୧୫୦ ଯାତ୍ରୀଙ୍କୁ ଧରି ମୁମ୍ବାଇ ଅଭିମୁଖେ ଉଡ଼ାଣ ଭରୁଥିବା ଇଣ୍ଡିଗୋ ବିମାନ ଅଳ୍ପକେ ବର୍ତ୍ତିଲା ଭୟଙ୍କର ଦୁର୍ଘଟଣାରୁ
ଭୋପାଳ: ୧୫୦ ଯାତ୍ରୀଙ୍କୁ ଧରି ମୁମ୍ବାଇ ଅଭିମୁଖେ ଉଡ଼ାଣ ଭରିବାକୁ ଥିବା ଇଣ୍ଡିଗୋର ଗୋଟିଏ ବିମାନ ଅଳ୍ପକରେ ଏକ ଭୟଙ୍କର ଦୁର୍ଘଟଣାରୁ ବର୍ତ୍ତିଯିବା ସହ ଏଥିରେ ଥିବା ସମସ୍ତ ଯାତ୍ରୀ ସୁରକ୍ଷିତ ରହି ଯାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ହସ୍ତଗତ ହୋଇଥିବା ଘଟଣାର ରିପୋର୍ଟରୁ ପ୍ରକାଶ, ଗତକାଲି ସନ୍ଧ୍ୟା ୭ଟା ସମୟରେ ଇଣ୍ଡିଗୋର ୬ଇ୯୮୩ ନମ୍ବର ବିଶିଷ୍ଟ ଏକ ବିମାନ ୧୫୦ ଯାତ୍ରୀଙ୍କୁ ଧରି ମୁମ୍ବାଇ ଅଭିମୁଖେ ଉଡ଼ାଣ ଭରୁଥିଲା। ତେବେ, ବିମାନଟି ଟେକ୍ଅପ୍ କରିବା ପାଇଁ ଭୋପାଳର ରାଜା ଭୋଜ ବିମାନ ବନ୍ଦରର ରନ୍େଓ୍ଵ ଉପରେ ଖୁବ୍ ଦ୍ରୁତଗତିରେ ଯାଉଥିବା ବେଳେ ବିମାନଟିର ଗୋଟିଏ ଚକ ବିମାନରୁ ବାହାରି ଯିବା ଅବସ୍ଥାକୁ ଆସି ଯାଇଥିଲା। ଏ ଘଟଣା ସଂପର୍କରେ ଜାଣିବା ପରେ ବିମାନର ପାଇଲଟ ଜରୁରିକାଳୀନ ବ୍ରେକ୍ ପ୍ରୟୋଗ କରି ବିମାନଟିକୁ ରନ୍େଓ୍ଵ ଉପରେ ଅଟକାଇ ଦେଇଥିଲେ। ଫଳରେ, ଏକ ବିକଟାଳ ଶବ୍ଦ କରି ବିମାନଟି ରନ୍େଓ୍ଵ ଉପରେ ଅଟକି ଯିବା ସହ ଭୟଙ୍କର ଦୁର୍ଘଟଣାରୁ ବର୍ତ୍ତି ଯାଇଥିଲା।