ଦୁଷ୍କର୍ମକୁ ନେଇ ନେତାଙ୍କ ଦାୟିତ୍ୱହୀନ ବୟାନ ଜାରି : ମୋବାଇଲ ଫୋନ,ଟିଭି ଯୋଗୁଁ ଦୁଷ୍କର୍ମ ଘଟଣା ବଢୁଛି : ରାଜସ୍ଥାନ ମନ୍ତ୍ରୀ
ନୂଆଦିଲ୍ଲୀ : ଦେଶର ବିଭିନ୍ନ ଅଞ୍ଚଳରେ ହେଉଥିବା ଦୁଷ୍କର୍ମ ଘଟଣାକୁ ନେଇ ସାରା ଦେଶରେ ପ୍ରବଳ ଅସନ୍ତୋଷ ଥିବାବେଳେ ରାଜନେତାମାନେ ରାଜନୀତି ଛାଡିପାରୁନାହାନ୍ତି । ନେତାମାନଙ୍କ ଦାୟିତ୍ୱହୀନ ବୟାନ ଯୋଗୁଁ ଜନଅସନ୍ତୋଷ ଆହୁରି ତେଜିବାରେ ଲାଗିଛି । ରାଜସ୍ଥାନର ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରୀ ଭଓ୍ଵଁରଲାଲ ମେଘାଓ୍ଵଲ କହିଛନ୍ତି ଯେ ମୋବାଇଲ ଫୋନ ଓ ଟିଭି ଯୋଗୁଁ ସମାଜରେ ଦୁଷ୍କର୍ମ ମାମଲା ବଢିଚାଲିଛି । ପୂର୍ବରୁ ଟିଭି ଓ ମୋବାଇଲ ଫୋନ ନଥିବାବେଳେ ଏତେ ଦୁଷ୍କର୍ମ ହେଉନଥିଲା । ଟିଭିର ପ୍ରଭାବ ଯୋଗୁଁ ଯୁବଗୋଷ୍ଠୀ ଦୁଷ୍କର୍ମ କରୁଛନ୍ତି ବୋଲି ସେ କହିଛନ୍ତି । ଅର୍ଥାତ ମୋବାଇଲ ଫୋନ ଓ ଟିଭି ଦେଖି ସେମାନେ ଦୁଷ୍କର୍ମ କରିବାକୁ ମନ ବଳାଉଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଉତ୍ତରପ୍ରଦେଶର ଜଣେ ମନ୍ତ୍ରୀ ରଣବେନ୍ଦ୍ର ପ୍ରତାପ ସିଂ କହିଛନ୍ତି ଯେ ସମାଜରେ ଅପରାଧକୁ ସଂପୂର୍ଣ୍ମ ଲୋପ କରିହେବ ନାହିଁ । ଏପରିକି ସ୍ୱୟଂ ଭଗବାନ ରାମ ୧୦୦ ପ୍ରତିଶତ ଅପରାଧମୁକ୍ତ ସମାଜର ଗ୍ୟାରେଣ୍ଟି ଦେଇପାରିବେ ନାହିଁ । ଉତ୍ତରପ୍ରଦେଶରେ ଉନ୍ନାଓ ଦୁଷ୍କର୍ମ ମାମଲାରେ ସେ ଏହି ବକ୍ତବ୍ୟ ପ୍ରଦାନ କରିଛନ୍ତି । ତେବେ ସେ କହିଛନ୍ତି ଯେ ପୂର୍ବ ସରକାରଙ୍କ ତୁଳନାରେ ଉତ୍ତରପ୍ରଦେଶରେ ଅପରାଧ ହ୍ରାସ ପାଇଛି । ଏବେ ଯଦି ଜଣେ ଅପରାଧ କଲା ସେ ଜେଲ ଯିବା ନିଶ୍ଚିତ ।