ଏକନାଥ ସିନ୍ଦେଙ୍କ ସମେତ ୧୨ ବିଧାୟକଙ୍କ ସଦସ୍ୟତା ରଦ୍ଦ ପାଇଁ ଉପ-ବାଚସ୍ପତିଙ୍କୁ ପତ୍ର ଲେଖିଲା ଶିବସେନା
ମୁମ୍ବାଇ : ବିଦ୍ରୋହୀ ୧୨ ଜଣ ବିଧାୟକଙ୍କ ସଦସ୍ୟତା ରଦ୍ଦ ପାଇଁ ଶିବସେନା ପକ୍ଷରୁ ଉପବାଚସ୍ପତିଙ୍କୁ ପତ୍ର ଲେଖି ଅନୁରୋଧ କରାଯାଇଛି । ସେମାନଙ୍କ ମଧ୍ୟରେ ଅଛନ୍ତି ବିଦ୍ରୋହୀଙ୍କ ନେତା ଏକନାଥ ସିନ୍ଦେ । ଏହି ତାଲିକାରେ ଅଛନ୍ତି ବାଲାଜୀ କିନିକର, ଲତା ସୋନାଓ୍ବାନେ, ଓ ଭରତ ଗୋଗାଓ୍ବଲେ ।
Sambad is now on WhatsApp
Join and get latest news updates delivered to you via WhatsApp
ସେମାନା ଦଳର ହ୍ବିପକୁ ମାନି ନଥିବାରୁ ଏହି ପଦକ୍ଷେପ ପାଇଁ ଉପବାଚସ୍ପତିଙ୍କୁ ଅନୁରୋଧ କରାଯାଇଛି ବୋଲି ଶିବସେନା ନେତା ଅରବିନ୍ଦ ସାଓ୍ବନ୍ତ କହିଛନ୍ତି । ଅନ୍ୟପକ୍ଷରେ ବିଦ୍ରୋହୀ ବିଧାୟକମାନେ ଏକନାଥଙ୍କୁ ନିଜର ନେତା ବାଛିଛନ୍ତି ।
ଏହା ପୂର୍ବରୁ ଏନସିପି ନେତା ଶରଦ ପାଓ୍ବାର କହିଥିଲେ ଯେ ଉଦ୍ଧବଙ୍କ ନେତୃତ୍ବରେ ମହା ବିକାଶ ଅଘାଡି (ଏନଭିଏ) ସରକାର ଜାରି ରହିବ । ଗୋଟିଏ ସରକାର ପାଖରେ ବହୁମତ ଅଛି କି ନା ସେ ସମ୍ପର୍କରେ ବିଧାନସଭାରେ ନିର୍ଦ୍ଧାରଣ ହେବ । ସେ ପୂର୍ବରୁ ଏପରି ଅନେକ ସ୍ଥିତି ସେ ଦେଖିଛନ୍ତି । କିନ୍ତୁ ତାଙ୍କର ବିଶ୍ବାସ ଯେ ସରକାର ଏହି ପରିସ୍ଥିତିକୁ ସଫଳତାର ସହ ମୁକାବିଲା କରି ତିଷ୍ଠି ରହିବ ଓ ଉଦ୍ଧବଙ୍କ ନେତୃତ୍ବରେ ସରକାର ଜାରି ରହିବ । ଯେଉଁ ବିଧାୟକମାନେ ଯାଇଛନ୍ତି ସେମାନ ଏନସିପି-କଂଗ୍ରେସ ଉପରେ ଅସନ୍ତୁଷ୍ଟ ଅଛନ୍ତି ।