ଘଣ୍ଟାପଡ଼ା: ବୌଦ୍ଧ ଜିଲ୍ଲା କଣ୍ଟାମାଳ ପଞ୍ଚାୟତରେ ପାନୀୟ ଜଳ ସମସ୍ୟା ନେଇ ସୋମବାର ସନ୍ଧ୍ୟାରେ ୧ ନମ୍ବର ଵାର୍ଡର ମହିଳାମାନେ ରାସ୍ତା ଉପରେ ମାଠିଆ ଓ ଗରା ପ୍ରଭୃତି ରଖି ରାସ୍ତା ଅବରୋଧ କରିଥିଲେ। ସୂଚନାଯୋଗ୍ୟ, କଣ୍ଟାମାଳ ପଞ୍ଚାୟତରେ ପାନୀୟ ଜଳ ସମସ୍ୟାକୁ ନେଇ ଚତୁର୍ଭୁଜ ସାହୁ, ମହେନ୍ଦ୍ର ଦାସ, ଦେବୀ ନାଏକ ଓ ଲକ୍ଷ୍ମଣ ସାହୁ ପ୍ରମୁଖ ଜିଲ୍ଲାପାଳଙ୍କୁ ପୂର୍ବରୁ ଅଭିଯୋଗ ପତ୍ର ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ସେଥିରେ ନବନିର୍ମିତ ଜଳଯୋଗାଣ ପ୍ରକଳ୍ପକୁ କାର୍ଯ୍ୟକ୍ଷମ କରିବାକୁ ଦାବି କରିଥିଲେ। ଫଳରେ ଜିଲ୍ଲାପାଳ ଅନୁଧ୍ୟାନ କରିବାକୁ ତେଲନଦୀ କୂଳରେ ଥିବା ଉକ୍ତ ପ୍ରକଳ୍ପ ନିକଟକୁ ଯାଇଥିଲେ। ଫେରିବା ବେଳେ ସେ ଲୋକଙ୍କ ବିରୋଧର ସମ୍ମୁଖୀନ ହୋଇଥିଲେ। ମଙ୍ଗଳବାରଠାରୁ ଟ୍ୟାଙ୍କର ଯୋଗେ ଜଳଯୋଗାଣ ଏବଂ ୫ ଦିନ ମଧ୍ୟରେ ଜଳଯୋଗାଣ ପ୍ରକଳ୍ପକୁ କାର୍ଯ୍ୟକ୍ଷମ କରିବାର ପ୍ରତିଶ୍ରୁତି ଦେବାପରେ ମହିଳାମାନେ ରାସ୍ତାରୁ ହଟିଥିଲେ।