ୱାସିଂଟନ : ୟୁକ୍ରେନ ଯୁଦ୍ଧରେ ପ୍ରାୟ ୨ ଲକ୍ଷ ରୁଷ୍ ସୈନିକ ମୃତାହତ ହେଲେଣି ବୋଲି ଆମେରିକାର ଏକ ରିପୋର୍ଟରୁ ଜଣାପଡ଼ିଛି। ଗତବର୍ଷ ନଭେମ୍ବରରେ ଏହି ସଂଖ୍ୟା ୧ ଲକ୍ଷ ଟପିଥିଲା ବୋଲି କେତେକ ଆମେରିକୀୟ ଅଧିକାରୀ ଏବଂ ପାଶ୍ଚାତ୍ୟ କୂଟନେତାମାନେ କହିଥିଲେ। ତେବେ ଚଳିତ ସପ୍ତାହରେ ଆମେରିକାର ବରିଷ୍ଠ ଅଧିକାରୀମାନେ କହିଛନ୍ତି, ୟୁକ୍ରେନରେ ନିହତ ଏବଂ ଆହତ ରୁଷ୍ ସୈନିକଙ୍କ ସଂଖ୍ୟା ପ୍ରାୟ ୨ ଲକ୍ଷ ହେବ।
Sambad is now on WhatsApp
Join and get latest news updates delivered to you via WhatsApp
ଗତ ଜାନୁଆରି ୨୨ରେ ନରୱେର ପ୍ରତିରକ୍ଷା ମୁଖ୍ୟ କହିଥିଲେ ଯେ ରୁଷ୍ର ପ୍ରାୟ ୧୮୦,୦୦୦ ସୈନିକ ନିହତ କିମ୍ବା ଆହତ ହୋଇଛନ୍ତି। ଏନେଇ ନ୍ୟୁୟର୍କ ଟାଇମ୍ସରେ ଏକ ରିପୋର୍ଟ ମଧ୍ୟ ପ୍ରକାଶ ପାଇଛି। ରୁଷ୍ ଏ ନେଇ କୌଣସି ପ୍ରତିକ୍ରିୟା ରଖିନାହିଁ।