ସାମୟିକ ଏକ୍ସପ୍ରେସ୍ ବଦଳରେ ଗଡ଼ିବ ପାସେଞ୍ଜର ଟ୍ରେନ୍
ଭୁବନେଶ୍ୱର : କୋଭିଡ୍-୧୯ କଟକଣା ପରେ ଯାତ୍ରୀଙ୍କ ସୁବିଧା ପାଇଁ ଟ୍ରେନ୍ ସେବାରେ ସମନ୍ୱୟକୁ ଦୃଷ୍ଟିରେ ରଖି ପୂର୍ବତଟ ରେଳପଥ ପକ୍ଷରୁ ସାମୟିକ ଏକ୍ସପ୍ରେସ୍ ସଂରକ୍ଷିତ ବିଶେଷ ଏକ୍ସପ୍ରେସ ବିଶାଖାପାଟଣାରୁ ରାୟଗଡ଼ା, ପଲାସା ଓ କିରାଣ୍ଡୁଲକୁ ତିନି ଯୋଡ଼ା ଟ୍ରେନ ଚଳାଚଳ କରାଯାଉଥିଲା। ପରିସ୍ଥିତିର ସମୀକ୍ଷା ପରେ ଉପରୋକ୍ତ ସାମୟିକ ଏକ୍ସପ୍ରେସଗୁଡ଼ିକୁ ଅପସାରଣ କରାଯାଇ ପାସେଞ୍ଜର ସ୍ପେସାଲ୍ ଟ୍ରେନ୍ ଚଳାଇବାକୁ ନିଷ୍ପତ୍ତି ନିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ବିଶାଖାପାଟଣା-ରାୟଗଡ଼ା-ବିଶାଖାପାଟଣା ପାସେଞ୍ଜର ସ୍ପେସାଲ୍(୦୮୫୦୪/୦୮୫୦୩) ଜୁଲାଇ ୧୫ରୁ ବିଶାଖାପାଟଣାରୁ ଏବଂ ୧୬ ତାରିଖରୁ ରାୟଗଡ଼ାରୁ ବିଶାଖାପାଟଣା-ରାୟଗଡ଼ା-ବିଶାଖାପାଟଣା ସାମୟିକ ଏକ୍ସପ୍ରେସ୍(୧୮୫୨୮/୧୮୫୨୭) ବଦଳରେ ଚାଲିବ। ବିଶାଖାପାଟଣା-ପଲାସା-ବିଶାଖାପାଟଣା ପାସେଞ୍ଜର ସ୍ପେସାଲ୍(୦୮୫୩୨/୦୮୫୩୧) ବିଶାଖାପାଟଣାରୁ ୧୫ ତାରିଖରୁ ଏବଂ ପଲାସାରୁ ୧୬ରୁ ବିଶାଖାପାଟଣା-ପଲାସା-ବିଶାଖାପାଟଣା ସାମୟିକ ଏକ୍ସପ୍ରେସ ବଦଳରେ ଚଳାଚଳ କରିବ। ବିଶାଖାପାଟଣା-କିରାଣ୍ଡୁଲ-ବିଶାଖାପାଟଣା ପାସେଞ୍ଜର ସ୍ପେସାଲ୍(୦୮୫୫୧/୦୮୫୫୨) ୧୫ରୁ ବିଶାଖାପାଟଣାରୁ ଏବଂ କିରାଣ୍ଡୁଲରୁ ୧୬ରୁ ବିଶାଖାପାଟଣା-କିରାଣ୍ଡୁଲ-ବିଶାଖାପାଟଣା ସାମୟିକ ଏକ୍ସପ୍ରେସ ଟ୍ରେନ ବଦଳରେ ଚାଲିବ।