ନିଆଁ ପୁଇଁ ହେଉଥିବାବେଳେ ଦଳିଦେଲା ହାତୀ
ଦେବଗଡ: ହାତୀ ଆକ୍ରମଣରେ ୨ଜଣଙ୍କ ମୃତ୍ୟୁ ଘଟିଛି । ଏଭଳି ଅଭାବନୀୟ ଘଟଣା ଘଟିଛି ଦେବଗଡ ରେଞ୍ଜର ଲଇମୁରା ସେକସନ ଅନ୍ତର୍ଗତ ଟିପିରିସିଂଘା ଗ୍ରାମରେ । ମୃତକ ଦ୍ବୟ ହେଲେ ଟିପିରିସିଂଘା ଗ୍ରାମର ସୁରୁବାଲି କିଷାନ(୪୩) ଓ ଖଇରି କିଷାନ(୧୯) । ମିଳିଥିବା ସୂଚନା ଅନୁଯାୟୀ, ଟିପିରିସିଂଘା ଗ୍ରାମ ତଥା ଆଖପାଖ ଅଂଚଳରେ ବେଶ କିଛି ଦିନ ହେଲା ହାତୀ ଉପଦ୍ରବ ଜାରି ରହିଥିଲା । ଗତକାଲି ରାତିରେ ସୁରୁବାଲି ଓ ଖଇରି ଥଣ୍ଡା ଯୋଗଁୁ ନିଆଁରେ ପୋଇଁ ହେଉଥିବାବେଳେ ଗ୍ରାମକୁ ହାତୀ ଆସିବା ଜାଣିବା ପାଇବା ପରେ ଗ୍ରାମବାସୀଙ୍କ ଅବଗତି ନିମନ୍ତେ ଟିଣରେ ବାଜା ବଜେଇଥିଲେ ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ କିଛି ସମୟ ପରେ ସୁରୁବାଲି ଓ ଖଇରିଙ୍କୁ ହାତୀ ଦଳି ଦେଇଥିଲା । ଘଟଣାସ୍ଥଳରେ ହଁି ଉଭୟଙ୍କର ମୃତ୍ୟୁ ଘଟିଥିଲା । ସେମାନଙ୍କର ଟିଣ ବଜେଇବାର ଶଦ୍ଦ ଶୁଣି ବନବିଭାଗର କର୍ମଚାରୀ ଓ ଗ୍ରାମବାସୀ ପଂହଚିବା ବେଳକୁ ସେମାନଙ୍କର ମୃତ ଦେହ ପଡିଥିବା ଦେଖିବାକୁ ପାଇଥିଲେ । ଘଟଣାସ୍ଥଳରେ ବନବିଭାଗର କର୍ମଚାରୀ ଓ ପୁଲିସ ପଂହଚି ଘଟଣାର ଅଧିକ ତଦନ୍ତ ଜାରି ରଖିଛି ।