ହମିରପୁର: ପତ୍ନୀଙ୍କ ଶେଷ ଇଚ୍ଛା ପୂର୍ଣ୍ଣ କଲେ ସ୍ୱାମୀ | ସରକାରଙ୍କ ନାମରେ ନିଜର ସମସ୍ତ ସମ୍ପତ୍ତି କରିଦେଲେ ଜଣେ ଅବସରପ୍ରାପ୍ତ ଡାକ୍ତର | ହିମାଚଳପ୍ରଦେଶ ହମିରପୁର ଜିଲ୍ଲାର ଜଣେ ଡାକ୍ତର ତାଙ୍କ ପତ୍ନୀଙ୍କ ଶେଷ ଇଚ୍ଛା ପୂରଣ କରି କୋଟି କୋଟି ଟଙ୍କା ମୂଲ୍ୟର ସ୍ଥାବର ତଥା ଅସ୍ଥାବର ସମ୍ପତ୍ତିକୁ ସରକାରଙ୍କୁ ଦାନ କରିଦେଇଛନ୍ତି | ମିଳିଥିବା ସୂଚନା ମୁତାବକ ୭୨ ବର୍ଷୀୟ ଡାକ୍ତର ରାଜେନ୍ଦ୍ର କାନୱାର ସ୍ୱାସ୍ଥ୍ୟ ବିଭାଗରୁ ଏବଂ ତାଙ୍କ ପତ୍ନୀ କୃଷ୍ନା କାନୱାର ଶିକ୍ଷା ବିଭାଗରୁ ଦୁଇ ବର୍ଷ ତଳେ ଅବସର ନେଇଥିଲେ। ଏକ ବର୍ଷ ପୂର୍ବେ ପତ୍ନୀଙ୍କର ମୃତ୍ୟୁ ହୋଇଥିଲା | ଉଭୟଙ୍କର ଇଚ୍ଛା ଥିଲା ଯେ ସେମାନଙ୍କର କୌଣସି ସନ୍ତାନ ନ ଥିବାରୁ ସେମାନେ ସେମାନଙ୍କର ସମ୍ପତ୍ତି ସରକାରଙ୍କୁ ଦାନ କରିବେ |
Sambad is now on WhatsApp
Join and get latest news updates delivered to you via WhatsApp
କାରଣ ସେମାନେ ସରକାରୀ ଚାକିରି ସମୟରେ ସବୁକିଛି ଅର୍ଜନ କରିଥିଲେ। ଯେହେତୁ ସରକାରୀ ଚାକିରି ସମୟରେ ମିଳିଥିବା ଦରମାରୁ ସେମାନେ ଏହି ସମ୍ପତ୍ତି ଅର୍ଜନ କରିପାରିଥିଲେ, ତେଣୁ ତାଙ୍କ ପରେ ସମସ୍ତ ସମ୍ପତ୍ତି ସରକାରଙ୍କୁ ପୁଣି ଫେରାଇଦେବାକୁ ଦୁହେଁ ନିଷ୍ପତ୍ତି ନେଇଥିଲେ |
ଡାକ୍ତର ରାଜେନ୍ଦ୍ର କାନୱାର ୧୯୭୪ରେ ଇନ୍ଦିରା ଗାନ୍ଧୀ ମେଡିକାଲ କଲେଜରୁ ଏମବିବିଏସ ଡିଗ୍ରୀ ହାସଲ କରିବା ପରେ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଭୋରଞ୍ଜରେ ଡାକ୍ତର ଭାବରେ ଯୋଗ ଦେଇଥିଲେ। ଚାକିରି ସମୟରେ, ସେବା ଭାବନା ଯୋଗୁଁ ସେ ପଦୋନ୍ନତି ନେବାକୁ କରିଥିଲେ | ଡାକ୍ତର କାନୱାର ପ୍ରତିଦିନ ଶହ ଶହ ରୋଗୀଙ୍କୁ ମାଗଣାରେ ଦେଖୁଥିବାବେଳେ ସେ ଜଣେ ସାମାଜିକ କର୍ମୀ ଭାବରେ ବେଶ ଜଣାଶୁଣା |