‘ଶ୍ରଦ୍ଧାକୁ ୩୫ ଖଣ୍ଡ କରାଯାଇଥିଲା, ତୋତେ ୭୦ ଖଣ୍ଡ କରିବି’ ମୁମ୍ବାଇରୁ ଆଉ ଏକ ନିର୍ଯ୍ୟାତନାର କାହାଣୀ
ମୁମ୍ବାଇ : ଦିଲ୍ଲୀରେ ହୋଇଥିବା ଶ୍ରଦ୍ଧା ଓ୍ବାଲକର୍ ହତ୍ୟାକାଣ୍ଡକୁ ନେଇ ସମଗ୍ର ଦେଶରେ ଚର୍ଚ୍ଚା ଲାଗି ରହିଥିବାବେଳେ ଏହି ଘଟଣାକୁ ଉଦାହରଣଭାବେ ନେଇ ମୁମ୍ବାଇର ଜଣେ ବ୍ୟକ୍ତି ନିଜର ଲିଭ-ଇନ ପାର୍ଟନରଙ୍କୁ ନିର୍ଯ୍ୟାତନା ଦେଉଥିବାର ଖବର ମିଳିଛି । ଏହାକୁ ନେଇ ସଂପୃକ୍ତ ମହିଳା ନିଜ ପାର୍ଟନର ଅର୍ସଦ ସଲିମ ମଲ୍ଲିକ ବିରୋଧରେ ପୁଲିସରେ ଅଭିଯୋଗ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ନଭେମ୍ବର ୨୯ରେ ମୁମ୍ବାଇ ପୁଲିସରେ ମହିଳା କରିଥିବା ଅଭିଯୋଗ ଅନୁସାରେ ସଲିମ ତାଙ୍କୁ ୭୦ ଖଣ୍ଡ କାଟିବାକୁ ଧମକ ଦେଇଛି । ଏହା ସହିତ ନିର୍ଯ୍ୟାତନା, ଦୁଷ୍କର୍ମ ସହ ଧର୍ମପରିବର୍ତ୍ତନ ମଧ୍ୟ କରିଥିବା ସେ ନିଜ ଅଭିଯୋଗରେ ଦର୍ଶାଇଛନ୍ତି ।
ପୀଡ଼ିତା ପୂର୍ବରୁ ଆଉ ଜଣକୁ ବିବାହ କରିଥିଲେ । ସେମାନଙ୍କ ଏକ ସନ୍ତାନ ବି ଥିଲା । କିନ୍ତୁ ଏକ ସଡ଼କ ଦୁର୍ଘଟଣାରେ ସ୍ବାମୀଙ୍କ ମୃତ୍ୟୁ ପରେ ପୀଡ଼ିତା ଆଉ ଜଣେ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିଲେ । ସେ ନିଜକୁ ହର୍ଷଲ ମାଲି ବୋଲି କହୁଥିଲା । ସେ ଦିନେ ତାକୁ ଏକ ଗାଁକୁ ନେଇ ଦୁଷ୍କର୍ମ କରିଥିଲା । ଏହା ପରେ ସେ ତାହାର ଭିଡିଓ ଦେଖାଇ ବ୍ଲାକମେଲ କରିଚାଲିଥିଲା ଓ ଲିଭ-ଇନରେ ରହୁଥିଲା । ପରେ ଜଣାପଡ଼ିଥିଲା ଯେ ତାହାର ନାଁ ହର୍ଷଲ ମାଲି ନୁହେଁ, ବରଂ ଅର୍ସଦ ସଲିମ ମଲିକ । ଏହା ପରେ ସେ ଜବରଦସ୍ତି ପୀଡ଼ିତାଙ୍କ ଧର୍ମ ପରିବର୍ତ୍ତନ କରିଥିବା ସେ ଅଭିଯୋଗ କରିଛନ୍ତି ।