କଲେଜ ଯୁବତୀଙ୍କୁ ନେଇ ଫେରାର ହେଲେ ପାରୋଲରେ ଆସିଥିବା ଦୁଷ୍କର୍ମକାରୀ,ଏ ପର୍ଯ୍ୟନ୍ତ କରି ସାରିଛନ୍ତି ୮ଜଣଙ୍କୁ ଅପହରଣ
ରାଜକୋଟ : ଅପରାଧି କରିଥିବା ଅପରାଧୀକୁ ପଶ୍ଚାତାପ ଲାଗି ଜେଲ ଦଣ୍ଡ ଦିଆ ଯାଇଥାଏ । କିନ୍ତୁ କିଛି ଲୋକ ଏମିତି ରହିଥାନ୍ତି ଯେଉଁମାନେ ନିଜ ଦୋଷ ପାଇଁ ଦଣ୍ଡ ପାଇ ମଧ୍ୟ ସୁଧୁରନ୍ତି ନାହିଁ । ସେଭଳି ଏକ ଘଟଣା ଘଟିଛି ରାଜକୋଟରେ । ଜଣେ ଯୁବତୀଙ୍କୁ ଅପହରଣ କରି ଦୁଷ୍କର୍ମ କରିବା ପରେ ରାଜକୋଟରେ ଜଣେ ଶିକ୍ଷକଙ୍କୁ ଆଜୀବନ କାରାଦଣ୍ଡର ଦଣ୍ଡ ଦିଆଯାଇଥିଲା । ଆଜୀବନ କାରାଦଣ୍ଡ ପାଇବା ପରେ ଜଣେ ପୁଣି ସେଭଳି ଅପରାଧ କଥା ଭାବି ପାରିବ କି? ଏହି କଥା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ଅପହରଣ ପରେ ଦୁଷ୍କର୍ମ ଅଭିଯୋଗରେ ରାଜକୋଟ ସେଣ୍ଟ୍ରାଲ ଜେଲରେ ବନ୍ଦ ଥିବା ଅଭିଯୁକ୍ତ ଧବଲ ତ୍ରୀବେଦୀ ପାରୋଲରେ ଆସି ପୁଣି ସେଭଳି ଅପରାଧ କରିଥିବା ଜଣାପଡ଼ିଛି । ନିଜର ନାଁ ପରିବର୍ତ୍ତନ କରି ସେ ଏକ କୋଚିଙ୍ଗ ସେଣ୍ଟର ଖୋଲିବା ସହ ଇଂରାଜୀ ଶିକ୍ଷା ଦେବା ଆରମ୍ଭ କରିଥିଲେ । ୧୫ଦିନର ପାରୋଲରେ ସେ କୋଚିଙ୍ଗ ସେଣ୍ଟର ଖୋଲି ନିଜର ନାମ ଧବଲରୁ ଧର୍ମେନ୍ଦ୍ର ସାର୍ ରଖିଥିଲେ । କିଛି ଦିନ ମଧ୍ୟରେ ତାଙ୍କ କୋଚିଙ୍ଗ କ୍ଲାସ୍କୁ ୯ ଜଣ ଛାତ୍ରୀ ପଢ଼ିବା ପାଇଁ ଆସିଥିଲେ । ସେଥି ମଧ୍ୟରୁ ଅଭିଯୁକ୍ତ ଜଣକ ଜଣେ ଛାତ୍ରୀଙ୍କୁ ବାଛିବା ସହ ତାଙ୍କ ସହ କଥା ହେବା ଆରମ୍ଭ କରିଥିଲେ । କିଛି ଦିନ କଥା ହେବା ପରେ ଅଗଷ୍ଟ ୧୧ରେ ଛାତ୍ରୀଙ୍କୁ ନେଇ ସେ ଫେରାର ହୋଇ ଯାଇଥିଲେ । କୋଚିଙ୍ଗ କ୍ଲାସ୍ ଖୋଲିବାରେ ତାଙ୍କର ସାହାଯ୍ୟ କରିଥିଲେ ଧମଢ଼ାଲ, ଯାହାକୁ ସେ ଜେଲରେ ଭେଟିଥିଲେ । ଫେରାର ହେବାର ୪ଦିନ ପର୍ଯ୍ୟନ୍ତ ପରିବାର ଲୋକେ ଖୋଜି ନ ପାଇବାରୁ ଅଗଷ୍ଟ ୧୫ ରାତିରେ ପୁଲିସରେ ଏ ନେଇ ଅଭିଯୋଗ କରା ଯାଇଥିଲା । କୋଚିଙ୍ଗ ସେଣ୍ଟରର ସିସିଟିଭି ଚେକ୍ କରିବା ପରେ ଧର୍ମେନ୍ଦ୍ର ସାର୍ ହିଁ ଧବଲ ତ୍ରୀବେଦୀ ବୋଲି ଜାଣିବାକୁ ପାଇଥିଲା ପୁଲିସ । ଏହା ପ୍ରଥମ ନୁହେଁ, ୨୦୧୦ରୁ ଅଭିଯୁକ୍ତ ୮ଜଣ ଯୁବତୀଙ୍କୁ ଅପହରଣ କରି ସାରିଥିବା ଜଣା ପଡ଼ିଛି ।