କାର୍ତ୍ତିକ୍ ପାଣିଗ୍ରାହୀ ୟୁପିଏସସି ପରୀକ୍ଷାରେ ସର୍ବଭାରତୀୟସ୍ତରରେ ୬୩ ରାଙ୍କ ପାଇ ଓଡ଼ିଶା ଟପ୍ପର ହୋଇଛନ୍ତି । କାର୍ତ୍ତିକଙ୍କ ବାପା ଶିବଶଙ୍କର ଦିଲ୍ଲୀ ଏୟାରପୋର୍ଟର ଡିଜିଏମ ଥିବାବେଳେ ମା’ ଗୀତା ଗୃହିଣୀ । ସିଭିଲ ସର୍ଭିସ ପରୀକ୍ଷାରେ ଓଡ଼ିଶାର ଟପ୍ପର ହେବାରେ କାର୍ତ୍ତିକ ହେଉଛନ୍ତି ସୁବର୍ଣ୍ଣପୁର ଜିଲ୍ଲାରେ ପ୍ରଥମ । ଦିଲ୍ଲୀ ବିଶ୍ବବିଦ୍ୟାଳୟରୁ ଇତିହାସରେ ସ୍ନାତ୍ତୋକତ୍ତର କଲା ପରେ ସେଠାରେ ଏମଫିଲ କରୁଛନ୍ତି। କାର୍ତ୍ତିକଙ୍କ ସହ ‘ସମ୍ବାଦ’ର ସ୍ବତନ୍ତ୍ର ସାକ୍ଷାତକାର।
Sambad is now on WhatsApp
Join and get latest news updates delivered to you via WhatsApp
ସମ୍ବାଦ : ୟୁପିଏସସି ପରୀକ୍ଷାରେ ସଫଳତା ପାଇ କେମିତି ଲାଗୁଛି ?
କାର୍ତ୍ତିକ: ସଫଳତା ପାଇବି ବୋଲି ଆଶା ରଖିଥିଲି କିନ୍ତୁ ୬୩ ରାଙ୍କ ପାଇବି ବୋଲି ଭାବି ନଥିଲି । ଭଗବାନଙ୍କ କରୁଣାରୁ ଭଲ ରାଙ୍କ ମିଳିଥିବାରୁ ବହୁତ ଖୁସି ଲାଗୁଛି ।
ସମ୍ବାଦ : ଏହି ସଫଳତାର ଶ୍ରେୟ କାହାକୁ ଦେବେ?
କାର୍ତ୍ତିକ: ସଫଳତାର ଶ୍ରେୟ ବାପା, ମା, ଦୁଇ ଆଈ ଓ ଭଗବାନଙ୍କୁ ଦେବି ।
ସମ୍ବାଦ : ଦିନକୁ କେତେ ଘଣ୍ଟା ପରିଶ୍ରମ କରୁଥିଲେ? ସିଭିଲ ସର୍ଭିସ ପାଇଁ କୋଚିଂ ନେବା ଜରୁରୀ କି?
କାର୍ତ୍ତିକ: ଦିନକୁ ୮ରୁ ୧୦ ଘଣ୍ଟା ପରିଶ୍ରମ କରୁଥିଲି । ଦିଲ୍ଲୀରେ କୋଚିଂ ବି ନେଉଥିଲି। କିନ୍ତୁ ପରିଶ୍ରମ ହିଁ ସଫଳତାର ଚାବିକାଠି। ମୁଁ କହିବି କୋଚିଂ ଜରୁରୀ ନୁହେଁ ।
ସମ୍ବାଦ : ନିଯୁକ୍ତି ପାଇଲା ପରେ କେଉଁ କ୍ଷେତ୍ରକୁ ଗୁରୁତ୍ବ ଦେବେ?
କାର୍ତ୍ତିକ: ନିଯୁକ୍ତି ପାଇଲା ପରେ ପାଣିପାଗ ପରିବର୍ତ୍ତନ ଏବଂ ସୂଚନା ପ୍ରଯୁକ୍ତି ବିଦ୍ୟା ଉପରେ କାମ କରିବାର ଆଶା ରଖିଛି ।
ସମ୍ବାଦ : ସୁଯୋଗ ମିଳିଲେ ସୁବର୍ଣ୍ଣପୁର ଜିଲ୍ଲା ପାଇଁ କ’ଣ କରିବେ?
କାର୍ତ୍ତିକ: ସୁଯୋଗ ମିଳିଲେ ସୁବର୍ଣ୍ଣପୁର ଜିଲ୍ଲାର ସାମୁହିକ ବିକାଶ ପାଇଁ ଧ୍ୟାନ ଦେବି । ବିଶେଷ କରି ସୁବର୍ଣ୍ଣପୁରର ବୟନଶିଳ୍ପକୁ ବିଶ୍ବ ଦରବାରର ପହଞ୍ଚାଇବା ପାଇଁ ଉଦ୍ୟମ କରିବି । ସେହିପରି ରେଳପଥ ସଂଯୋଗୀକରଣ ଏବଂ ଜିଲ୍ଲାର ଐିତିହ୍ୟ, ସଂସ୍କୃତିର ବିକାଶ ପାଇଁ କାର୍ଯ୍ୟ କରିବି ।