ନଦୀରେ ଭାସିଯାଇ ଅଜଣା ଯୁବକଙ୍କ ମୃତ୍ୟୁ
ରାଇରଙ୍ଗପୁର/ବାଦାମପାହାଡ: ମୟୂରଭଞ୍ଜ ଜିଲ୍ଲା ବାଦାମପାହାଡ ଥାନା ତଥା ସୁଲେପାଟ ଫାଣ୍ଡି ଅର୍ନ୍ତଗତ ଯାମୁତି ଗ୍ରାମ ଦେଇ ବହିଯାଇଥିବା ଖଡଖାଇ ନଦୀରେ ଜଣେ ଅଜଣା ଯୁବକ ଭାସିଯାଇ ମୃତ୍ୟୁ ଘଟିଥିବା ସୂଚନା ମିଳିଛି । ସୂଚନା ଅନୁଯାୟୀ କୁମୁଡାଶୋଳ ଓ ଯାମୁତି ଗ୍ରାମ ଦେଇ ବୋହି ଯାଉଥିବା ଖଡଖାଇ ନଦୀରେ ଲଗାଣ ବର୍ଷା ଯୋଗୁଁ ନଈ ବଢି ହୋଇଥିଲା। ତେବେ ଜଣେ ଯୁବକ ନଈ ପାରି ହେଉଥିବା ସମୟରେ ପାଣିର ସ୍ରୋତରେ ଭାସି ଯାଇଥିଲେ ବୋଲି ଗ୍ରାମବାସୀ ମାନେ ପ୍ରକାଶ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତେବେ ଆଜି ଅପରାହ୍ନ ସମୟରେ କୁମୁଡାଶୋଳ ପୋଲ ନିକଟରେ ଯୁବକଙ୍କ ମୃତଦେହ ଲାଗିଥିବାର ଦେଖିବାକୁ ପାଇ ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳକୁ ପହଂଚି ଶବକୁ ଜବତ କରି ନଂ ୧୬/୨୨ ରେ ଏକ ମାମଲା ରୁଜୁ କରିଛି। ତେବେ ଉକ୍ତ ଯୁବକଙ୍କ ପରିଚୟ ମିଳିନଥିବା ପୋଲିସ କହିଛି।