ଜୟପୁର : ଝାଡ଼ଫୁଙ୍କା ନାମରେ ଯୁବତୀଙ୍କୁ ଅସଦାଚରଣ କରିଥିବା ଅଭିଯୁକ୍ତ ବିପିନ ବିହାରୀ ରଥଙ୍କୁ ଟାଉନ୍ ଥାନା ପୁଲିସ ଗିରଫ କରି ଆଜି କୋର୍ଟ ଚାଲାଣ କରିଛି । ମାମଲାର ତିନି ମାସ ପରେ ପୁଲିସ ଆଜି ଗିରଫ କରିଛି ।
Sambad is now on WhatsApp
Join and get latest news updates delivered to you via WhatsApp
ଗତ ଅଗଷ୍ଟ ୨୩ ତାରିଖ ଦିନ ସୋସିଆଲ ମିଡିଆରେ ଏହି ବ୍ୟକ୍ତିଙ୍କ ବିରୋଧରେ ସଂଧ୍ୟାରାଣୀ ନାମକ ଜଣେ ଯୁବତୀ ପୋଷ୍ଟ କରିଥଲେ । ସୋସିଆଲ ମିଡିଆରେ ପୋଷ୍ଟ କରିବା ପରେ ଏହା ଭାଇରାଲ ହୋଇଥିଲା। ୨୭ ତାରିଖରେ ଯୁବତୀ ଜଣକ ଥାନାରେ ଅଭିଯୋଗ କରିଥିଲେ । ସୂଚନା ଅନୁଯାୟୀ ଅଗଷ୍ଟ ୨୩ ତାରିଖ ଦିନ ଅଭିଯୁକ୍ତ ବିପିନ ନୂଆସାହି ଅଂଚଳରେ ରହୁଥିବା ଜଣେ ମହିଳାଙ୍କ ଘରକୁ ଯାଇଥିଲେ । ମହିଳା ଜଣକ ଘରେ ନଥିବା ବେଳେ ତାଙ୍କ ଝିଅଙ୍କୁ କବାଟ ଖୋଲିବାକୁ କହି କିଛି ଖାଇବାକୁ ଦେବା ସହ ତାଙ୍କ ସହ ଅସଦ୍ ଆଚରଣ କରିଥିବା ନେଇ ଥାନାରେ ଅଭିଯୋଗ ହୋଇଥିଲା । ଏଥିନେଇ ପୁଲିସ ପକ୍ଷରୁ ଏକ ମାମଲା ରୁଜୁ ହୋଇଥିବା ବେଳେ ଆଜି ଗିରଫ କରାଯାଇଥିବା ଜଣାଯାଇଛି।