ସଂପର୍କକୁ ସୁଧାରିବା ପାଇଁ ପାଦ ଆଗକୁ ବଢ଼ାଇଲେ ଅବନ୍ତିକା, ଫୁଲତୋଡ଼ା ସହ ଇମ୍ରାନ ଖାନ୍ଙ୍କୁ ପଠାଇଲେ କ୍ଷମା ପତ୍ର
ମୁମ୍ବାଇ : କିଛି ମାସ ତଳେ ବଲିଉଡ୍ ଅଭିନେତା ତଥା ଆମୀର ଖାନ୍ଙ୍କ ଭଣଜା ଇମ୍ରାନ ଖାନ୍ଙ୍କ ବୈବାହିକ ଜୀବନକୁ ନେଇ ଏକ ବଡ଼ ଖବର ମିଳିଥିଲା । ଇମ୍ରାନ ନିଜ ପତ୍ନୀ ଅବନ୍ତିକାଙ୍କଠାରୁ ଛାଡ଼ପତ୍ର ନେବାକୁ ଚାହୁଁଥିବା ଖବର ସମସ୍ତଙ୍କୁ ଚମକାଇ ଦେଇଥିଲା । ଅବନ୍ତିକା ଇମ୍ରାନଙ୍କ ଘର ଛାଡ଼ି ନିଜ ମାତା-ପିତାଙ୍କ ପାଖରେ ରହୁଥିବା ନେଇ ସ୍ପଷ୍ଟ କରିଥିଲେ ଅବନ୍ତିକାଙ୍କ ମା’ । ତେବେ ଛାଡ଼ପତ୍ରର ଖବର ମଧ୍ୟରେ ଏବେ ଦୁହିଁଙ୍କ ସଂପର୍କ ସୁଧୁରିଥିବା ଜଣାପଡ଼ିଛି । ଇମ୍ରାନଙ୍କ ଜନ୍ମଦିନ ଅବସରରେ ଅବନ୍ତିକା ଫୁଲତୋଡ଼ା ସହ କ୍ଷମା ପତ୍ର ପଠାଇଥିବା ବେଳେ ଖୁବ୍ ଶୀଘ୍ର ଦୁହିଁଙ୍କ ସଂପର୍କ ସୁଧୁରିପାରେ ବୋଲି ଆଶା କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଭାବବିହ୍ଵଳ କଲା ଭଳି କଥା ଲେଖି ଅବନ୍ତିକା କ୍ଷମା ମାଗିଥିବା ବେଳେ କେଉଁ କାରଣ ପାଇଁ କ୍ଷମା ମାଗିଛନ୍ତି, ତାହା ସ୍ପଷ୍ଟ ହୋଇ ପାରି ନାହିଁ । ଅବନ୍ତିକା ନିଜକୁ ମାନସିକ ଅବସାଦରୁ ଦୂରେଇ ରଖିବା ପାଇଁ ଇମ୍ରାନଙ୍କ ଘର ଛାଡ଼ି ବାପ ଘରକୁ ଚାଲି ଆସିଥିଲେ । ଏହି ସମୟରେ ଦୁହେଁ ପରସ୍ପର ସହ କଥା ହୋଇ ନ ଥିଲେ । କିଛି ଦିନ ଅଲଗା ରହିବା ପରେ ଏବେ ଅବନ୍ତିକା ପୁଣି ଥରେ ଇମ୍ରାନଙ୍କ ପାଖକୁ ଫେରିବେ ବୋଲି ଆଶା କରାଯାଉଛି ।