ପ୍ରଜ୍ବଲ ରେଭାନ୍ନାକୁ ଠାବ କରିବାକୁ ସିବିଆଇର ସହାୟତା ମାଗିଲେ କର୍ଣ୍ଣାଟକ ସରକାର
ବେଙ୍ଗାଲୁରୁ: କର୍ଣ୍ଣାଟକ ସରକାର ଫେରାର ଜେଡିଏସ ସାଂସଦ ପ୍ରଜ୍ୱଲ ରେଭାନ୍ନାକୁ ଠାବ କରିବା ପାଇଁ ଅନ୍ୟ ଦେଶର ସହାୟତା ନେବାକୁ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ)କୁ ଅନୁରୋଧ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ପ୍ରଜ୍ୱାଲଙ୍କ ବିରୋଧରେ ଅନେକ ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ପୂର୍ବତନ ପ୍ରଧାନମନ୍ତ୍ରୀ ଦେବେଗୌଡ଼ାଙ୍କ ନାତି ରେବନ୍ନା ସୋସିଆଲ ମିଡିଆରେ ମହିଳାଙ୍କୁ ଯୌନ ନିର୍ଯାତନା ଦେଉଥିବାର ଭିଡିଓ ସାମ୍ନାକୁ ଆସିବା ପରେ ସାଧାରଣ ନିର୍ବାଚନ ମଧ୍ୟରେ ଏକ ବଡ଼ ବିବାଦ ସୃଷ୍ଟି ହୋଇଛି। ମାମଲା ଜଣାପଡ଼ିବା ପରେ ପ୍ରଜ୍ବଳ ଜର୍ମାନି ପଳାଇଯାଇଥିବା କୁହାଯାଉଛି । ତା ବିରୋଧରେ କର୍ଣ୍ଣାଟକ ପୁଲିସ ରେଡକର୍ଣ୍ଣର ନୋଟିସ ଜାରି କରିଛି । ସେପଟେ ପ୍ରଜ୍ବଳର ପିତା ତଥା ଜେଡିଏସ ବିଧାୟକ ଏଚଡି ରେଭାନ୍ନାଙ୍କୁ ଆଜି କର୍ଣ୍ଣାଟକ ପୁଲିସର ଏସଆଇଟି ଉଠାଇ ନେଇଛି ଓ ଏକ ଅଜ୍ଞାତ ସ୍ଥାନରେ ରଖି ଜେରା କରୁଛି ।
ଆଜି କଂଗ୍ରେସ ନେତା ରାହୁଲ ଗାନ୍ଧି କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କୁ ଚିଠି ଲେଖି ଏହି ମାମଲାରେ ପୀଡ଼ିତାଙ୍କୁ ଯଥାସମ୍ଭବ ସହାୟତା ଯୋଗାଇ ଦେବାକୁ ଅନୁରୋଧ କରିଛନ୍ତି। ପୀଡ଼ିତଙ୍କୁ ଯଥାସମ୍ଭବ ସହାୟତା ଯୋଗାଇ ଦେବାକୁ ମୁଁ ଅନୁରୋଧ କରୁଛି ବୋଲି ରାହୁଲ ତାଙ୍କ ଚିଠିରେ ଉଲ୍ଲେଖ କରିଛନ୍ତି।