ଦୁଇ ଭାରତୀୟଙ୍କୁ ବିଦେଶୀ କୋର୍ଟ ଦେଲେ ୫୦୦ବର୍ଷର ଜେଲଦଣ୍ଡ
ନୂଆଦିଲ୍ଲୀ: ଦୁବାଇ କୋର୍ଟ ଗୋଆର ଦୁଇଜଣ ବ୍ୟକ୍ତିଙ୍କ ଉପରେ ୫୦୦ ବର୍ଷର ଜେଲଦଣ୍ଡ ବିଧାନ କରିଛନ୍ତି। ଏହି ଦୁଇ ଯୁବକ ହେଲେ ୩୭ ବର୍ଷୀୟ ସିଡନୀ ଲିମୋସ୍ ଓ ତାଙ୍କ ଆକାଉଣ୍ଟ ସ୍ପେଶାଲିଷ୍ଟ୍ ୨୫ ବର୍ଷୀୟ ରିୟାନ୍ ଡି’ସୌଜା । ୨୦୦ ମିଲିୟନ୍ ଡଲାର ଘୋଟାଲା ଏବଂ ହଜାର ହଜାର ନିବେଶକଙ୍କୁ ଠକି ଥିବା ମାମଲାରେ ଦୁହିଁଙ୍କୁ ଦୁବାଇ କୋର୍ଟ ୫୦୦-୫୦୦ ବର୍ଷର ଦଣ୍ଡ ବିଧାନ କରିଛି ।
Sambad is now on WhatsApp
Join and get latest news updates delivered to you via WhatsApp
ଲିମୋସ୍ ନିବେଶକଙ୍କୁ ପ୍ରଲୋଭନ ଦେଖାଇ କହିଥିଲେ ଯେ, ଯଦି ନିବେଶକର୍ତ୍ତା ତାଙ୍କ ପାଖରେ ୨୫,୦୦୦ଡଲାର ଡିପୋସିଟ୍ କରୁଛନ୍ତି ତେବେ ସେମାନଙ୍କୁ ଏହାର ରିଟର୍ଣ୍ଣରେ ବାର୍ଷିକ ୧୨୦ ପ୍ରତିଶତ ଲାଭ ମିଳିବ । କେବଳ ଲିମୋସ୍ ନୁହେଁ ଏହି ଘୋଟାଲାରେ ତାଙ୍କ ସ୍ତ୍ରୀ ବଲାନୀଙ୍କ ମଧ୍ୟ ହାତ ରହିଛି । ବଲାନୀଙ୍କ ନାଁରେ ମଧ୍ୟ କେସ୍ ରେଜିଷ୍ଟର କରାଯାଇଛି । ବେଆଇନ୍ ଭାବେ ସିଲ କୋଠରୀ ଭିତରକୁ ପ୍ରବେଶ କରିବା ଏବଂ ଦସ୍ତାବିଜକୁ ଜୋରଜବରଦସ୍ତ ନେବା ଆରୋପରେ ତାଙ୍କ ଉପରେ କେସ୍ କରାଯାଇଛି ।
ଗୋଆର ଲିମୋସଙ୍କୁ ସର୍ବପ୍ରଥମେ ୨୦୧୬ ମସିହାରେ ଗିରଫ କରାଯାଇଥିଲା । ପରେ ତାଙ୍କୁ ଜାମିନରେ ବାହାରକୁ ଅଣାଯାଇଥିଲା । ଗତବର୍ଷ ଜାନୁୟାରି ମାସରେ ମଧ୍ୟ ତାଙ୍କୁ ଗିରଫ କରାଯାଇଥିଲା । ଅନ୍ୟପଟେ ସଜ୍ଜୋଲିନ ନିବାସୀ ରିୟାନଙ୍କୁ ଗତବର୍ଷ ଫେବୃୟାରିରେ ଦୁବାଇ ଏୟାରପୋର୍ଟଠାରେ ଗିରଫ କରାଯାଇଥିଲା ।