‘ସେ ବାହାରକୁ ଆସୁଛି, ତା’କୁ ଧର’… ଏମିତି କହି ହସ୍ପିଟାଲ ବାରଣ୍ଡାରେ ଶିଶୁକୁ ଜନ୍ମ ଦେଲେ ମହିଳା

0 1,120

ମା’ହେବା ସବୁ ମହିଳାଙ୍କ ପାଇଁ ଏକ ନିଆରା ଅନୁଭୂତି ହୋଇଥାଏ। ଏହା ସହ ଗର୍ଭବତୀ ମହିଳାଙ୍କଠାରେ ଅନେକ ଶାରୀରିକ ଏବଂ ମାନସିକ ପରିବର୍ତ୍ତନ ମଧ୍ୟ ଆସିଥାଏ । ଏକ ନବଜାତକକୁ ଜନ୍ମଦେବା ଜଣେ ମହିଳାଙ୍କ ଜୀବନ ସମ୍ପୂର୍ଣ୍ଣ ହୋଇଥାଏ । କିନ୍ତୁ ଶିଶୁଟିକୁ ଜନ୍ମ ଦେବା ସମୟରେ ଯେଉଁ କଷ୍ଟ ମା’କୁ ଉଠାଇବାକୁ ପଡ଼େ ତା’କୁ ଅନ୍ୟ କେହି ବି ଅନୁଭବ କରି ପାରିବେ ନାହିଁ । ତେବେ ସେଭଳି ଏକ ଘଟଣା ଘଟିଛି ଆମେରିକାର କନ୍‌ସାସରେ । ପ୍ରସବ ଯନ୍ତ୍ରଣା ଅସହ୍ୟ ହେବାରୁ ଲେବର ରୁମ୍‌ରେ ପହଞ୍ଚିବା ପୂର୍ବରୁ ହସ୍ପିଟାଲର କରିଡ଼ର (ବାରଣ୍ଡା)ରେ ହିଁ ସେ ଶିଶୁଟିକୁଜନ୍ମ କରିଛନ୍ତି ।

ସୂଚନା ମୁତାବକ, ଜେସିକା ହୋଗନ୍‌ ନାମକ ଜଣେ ମହିଳଙ୍କର ପ୍ରସବ ଯନ୍ତ୍ରଣା ହେବାରୁ ତାଙ୍କୁ ହସ୍ପିଟାଲ ନିଆ ଯାଇଥିଲା । କିନ୍ତୁ ଡ଼ାକ୍ତର ତାଙ୍କର ଏବେ ପ୍ରସବ ସମୟ ଆସିନି ବୋଲି କହି ଫେରାଇ ଦେଇଥିଲେ । ଘରେ ପହଞ୍ଚିବା ପରେ ଜେସିକା ଏ ନେଇ ଚିନ୍ତିତ ହୋଇ ଯାଇଥିଲେ । ସେ ଦିନ ରାତିରେ ଶୋଇଥିବା ବେଳେ ତାଙ୍କ ପେଟରେ ଗଭୀର ଯନ୍ତ୍ରଣା ଆରମ୍ଭ ହୋଇ ଯାଇଥିଲା । ତାଙ୍କ ଅବସ୍ଥା ଦେଖି ତାଙ୍କ ସ୍ୱାମୀ ତାଙ୍କୁ ହସ୍ପିଟାଲ ନେଇଥିଲେ । ନେବା ବାଟରେ ଶିଶୁଟି ତଳକୁ ତଳକୁ ଆସୁଥିବାର ଜେସିକା ଅନୁଭବ କରିଥିଲେ । ଏହା ପରେ ମନ୍‌ହଟାନ୍‌ରେ ଥିବା ଖ୍ରୀଷ୍ଟ ହସ୍ପିଟାଲରେ ତାଙ୍କୁ ତାଙ୍କ ସ୍ୱାମୀ ନେଇ ପହଞ୍ଚାଇଥିଲେ । ହସ୍ପିଟାଲରେ ପହଞ୍ଚିବା ପରେ ତାଙ୍କ ଯନ୍ତ୍ରଣା ବଢ଼ି ଯାଇଥିଲା । ହସ୍ପିଟାଲର ସବୁ ଫର୍ମାଲିଟି ପୂରଣ କରୁଥିବା ବେଳେ ଜେସିକା ଯନ୍ତ୍ରଣା ସହି ନ ପାରି ଲେବର ରୁମ୍‌ ଆଡ଼କୁ ଦୌଡ଼ିଥିଲେ ।

ଦଉଡ଼ିବା ବାଟରେ ଶିଶୁଟି ଟିକେ ପଦାକୁ ବାହାରି ଆସିବାରୁ ସେ ହସ୍ପିଟାଲର କରିଡ଼ରରେ ତାଙ୍କ ସ୍ୱାମୀଙ୍କୁ ଜୋର୍‌ରେ ଡ଼ାକିଥିଲେ । ‘ସେ ବାହାରକୁ ଆସୁଛି, ତା’କୁ ଧର’, କହି ସେ ସେଇଠି ବସି ପଡ଼ିଥିଲେ । ତାଙ୍କ ଡ଼ାକଶୁଣି ହସ୍ପିଟାଲର ନର୍ସମାନେ ତାଙ୍କ ନିକଟକୁ ଦୌଡ଼ି ଆସିବା ସହ ତାଙ୍କ ଅବସ୍ଥା ଦେଖି ସେଇଠି ହିଁ ତାଙ୍କୁ ଶୁଆଇ ଦେଇଥିଲେ । କିଛି ସମୟ ପରେ ସେ ଶିଶୁଟିିକୁ ଜନ୍ମ ଦେଇଥିଲେ । ଯାହାର ନାମ ଏବେ ମାକ୍ସ ରଖାଯାଇଛି । ପୂର୍ବରୁ ଜେସିକାଙ୍କର ୪ଟି ଝିଅ ଥିବା ଜଣା ପଡ଼ିଛି ।

ସମ୍ବନ୍ଧିତ ଖବର

Leave A Reply

Your email address will not be published.