ମାଲିକର ମୃତ୍ୟୁ ହୋଇ ସାରିଥିବା କଥା ନ ଜାଣି ସପ୍ତାହେ ପର୍ଯ୍ୟନ୍ତ ଡ଼ାକ୍ତରଖାନା ବାହାରେ ଅପେକ୍ଷା କରି ବସିଥିଲା ପୋଷା କୁକୁର
ନୂଆଦିଲ୍ଲୀ: ଯେତେବେଳେ ଜଣେ ବିଶ୍ୱସ୍ତ ବନ୍ଧୁର କଥା ଉଠେ, ସେତେବେଳେ କୌଣସି ମଣିଷର ନାଁ ପାଟିକୁ ଆସିବା ପୂର୍ବରୁ, ଗୋଟେ କୁକୁରର ନାଁ ପାଟିକୁ ଆସି ଯାଇଥାଏ । ପୂର୍ବରୁ କିଛି କୁକୁରଙ୍କୁ ନେଇ ଅବିଶ୍ୱସନୀୟ କାହାଣୀ ସାମ୍ନାକୁ ଆସି ସାରିଥିବା ବେଳେ ଆଜି ଆମେ ନିଜ ମାଲିକ ପ୍ରତି କୁକୁରର କେତେ ଭଲ ପାଇବା ତାହା ଜଣାଇବୁ । ଘଟଣାଟି ଘଟିଛି ଆର୍ଜେଣ୍ଟିନାରେ । ଟୋମୋ ନାମକ କୁକୁର ପାଳିଥିବା ଜଣେ ଯୁବକଙ୍କର ହଠାତ୍ ସ୍ୱାସ୍ଥ୍ୟାବସ୍ଥା ବିଗିଡ଼ିବାରୁ ତାଙ୍କୁ ଡ଼ାକ୍ତରଖାନା ନିଆ ଯାଇଥିଲା । ଏହା ପରେ ଯୁବକଜଣଙ୍କ ନିଜ କୁକୁର ଟୋମୋକୁ ଦେଖିବାକୁ ଚାହୁଁଥିବାରୁ ପରିବାର ଲୋକେ ଟୋମୋକୁ ଡ଼ାକ୍ତରଖାନାରେ ନେଇ ପହଞ୍ଚିଥିଲେ । କିନ୍ତୁ ଯୁବକଙ୍କ ମୃତ୍ୟୁ ପରେ ପରିବାର ଲୋକେ ଟୋମୋଙ୍କୁ ଡ଼ାକ୍ତରଖାନାରୁ ଆଣିବାକୁ ଭୁଲି ଯାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ, ନିଜ ମାଲିକର ଫେରିବା ବାଟକୁ ଚାହିଁ ଟୋମୋ ପ୍ରାୟ ସପ୍ତାହେ ପର୍ଯ୍ୟନ୍ତ ଡ଼ାକ୍ତରଖାନା ବାହାରେ ବସି ରହିଥିଲା । କେତେବେଳେ ତା’ ମାଲିକ ଆସି ତା’କୁ ଘରକୁ ନେବେ, ସେହି ଆଶାରେ ଟୋମୋ ଡ଼ାକ୍ତରଖାନା ବାହାରେ ବସି ରହିଥିଲା ବୋଲି ଜଣା ପଡ଼ିଛି । ପରେ ମୃତ ଯୁବକଙ୍କ ପରିବାର ଲୋକେ ଟୋମୋଙ୍କୁ ଘରକୁ ନେଇଥିଲେ ମଧ୍ୟ ସେ ପୁଣି ଡ଼ାକ୍ତରଖାନାକୁ ଚାଲି ଆସିଥିଲେ । ଏଭଳି ହେବା ପରେ ଡ଼ାକ୍ତରଖାନା କର୍ତ୍ତୃପକ୍ଷ ଟୋମୋକୁ ସ୍ଥାନୀୟ ପଶୁ ସୁରକ୍ଷା ସଂସ୍ଥାକୁ ହସ୍ତାନ୍ତର କରିଥିଲେ । ଏହି ଖବର ପାଇବା ପରେ ସ୍ଥାନୀୟ ପଶୁ ସୁରକ୍ଷା ସଂସ୍ଥାର ସଦସ୍ୟ ଫାତିମା କହିଛନ୍ତି କି, ଯଦି କେହି ଟୋମୋକୁ କିଣିବାକୁ ଚାହୁଁଛି, ତେବେ ତାକୁ ନେଇ ବାନ୍ଧି ରଖିବାକୁ ହେବ । କାରଣ ତାକୁ ଖୋଲା ଛାଡ଼ିଦେଲେ ସେ ପୁଣି ଡ଼ାକ୍ତରଖାନରେ ଆସି ପହଞ୍ଚି ଯାଉଛି ।