ଦୁଷ୍କର୍ମର ଶିକାର ନନ୍ଙ୍କୁ ସମର୍ଥନ ମହଙ୍ଗା ପଡ଼ିଲା: କବିତା ଲେଖିବା ଓ ଡ୍ରାଇଭିଂ ଲାଇସେନ୍ସ ଆବେଦନ ଯୋଗୁଁ କେରଳର ନନ୍ଙ୍କୁ ନୋଟିସ୍
କୋଚି : କିଛି ଦିନ ତଳେ କେରଳରେ ଜଣେ ନନ୍ଙ୍କୁ ଦୁଷ୍କର୍ମ କରାଯାଇଥିବା ବେଳେ ଏହାକୁ ନେଇ ବିରୋଧ ପ୍ରଦର୍ଶନରେ ସାମିଲ୍ ହୋଇଥିବା ନନ୍ ଆକ୍ରୋଶର ଶିକାର ହୋଇଥିବା ଜଣାପଡ଼ିଛି। ସିଷ୍ଟର ଲୁସି କଲପ୍ପୁରାଙ୍କୁ କବିତା ଲେଖୁଥିବାରୁ ନୋଟିସ୍ ଦିଆ ଯାଇଥିବା ଜଣାପଡ଼ିଛି । ବହି ପ୍ରକାଶିତ କରି ଖ୍ରୀଷ୍ଟଧର୍ମ ବିରୋଧରେ ସାପ୍ତାହିକ ଖବର କାଗଜରେ ଲେଖା ଛାପିବା ଏବଂ ଡ୍ରାଇଭିଙ୍ଗ ଲାଇସେନ୍ସ ପାଇଁ ଆବେଦନ କରିବା ନେଇ ମଧ୍ୟ ତାଙ୍କୁ ନୋଟିସ୍ ପଠାଯାଇଥିବା ଜଣାପଡ଼ିଛି । ଫ୍ରାନ୍ସିସ୍କାନ କ୍ଲାରିଷ୍ଟ କଙ୍ଗ୍ରେଜେସନ୍(ଏଫ୍ସିସି) ନୋଟିସ୍ ଜାରି କରି ଲୁସିଙ୍କ ଉପରେ ନନ୍ ଧର୍ମିକ ଜୀବନର ଆଦର୍ଶର ଉଲ୍ଲଙ୍ଘନ କରିବାର ଆରୋପ ଲଗାଇଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ ସିଷ୍ଟର ଲୁସିଙ୍କ କହିବା ଅନୁଯାୟୀ,କୋଚିରେ ଦୁଷ୍କର୍ମର ଶିକାର ହୋଇଥିବା ନନ୍ଙ୍କ ପାଇଁ କରାଯାଉଥିବା ବିରୋଧ ପ୍ରଦର୍ଶନରେ ସାମିଲ୍ ଥିବାରୁ ମୁଁ ପଶ୍ଚାତାପ କରୁ ନାହିଁ । ପୂର୍ବରୁ ମୋତେ ମୋର କବିତା ଛାପିବା ପାଇଁ ଅନୁମତି ମିଳି ନ ଥିବା ବେଳେ ମୁଁ ବିନା ଅନୁମତିରେ ନିଜର କବିତା ଛାପିଥିଲି । ଏହା ସହ ମୋତେ ବିଭିନ୍ନ ପ୍ରକାରର ସାକ୍ଷାତକାରରେ ଯିବା ପାଇଁ ମନା କରା ଯାଇ ସାରିଥିଲେ ମଧ୍ୟ ମୁଁ ସବୁ ନିୟମ ଭାଙ୍ଗି ବିଭିନ୍ନ ସାକ୍ଷାତକାରରେ ଯୋଗ ଦେଇଥିଲି । ମୋ ହିସାବରେ ମୁଁ ମୋ ନିୟମର ଠିକ୍ ପାଳନ କରୁଛି । ଯାହା ଠିକ୍ ମୁଁ ତାହା କରୁଛି ବୋଲି ଲୁସି କହିଛନ୍ତି।