ନୀତୀଶ କୁମାରଙ୍କ ବଡ଼ ଘୋଷଣା : ୨୦୨୫ ବିହାର ବିଧାନସଭା ନିର୍ବାଚନରେ ତେଜସ୍ବୀ ନେବେ ନେତୃତ୍ବ
ପ୍ରଧାନମନ୍ତ୍ରୀ ବା ମୁଖ୍ୟମନ୍ତ୍ରୀ ହେବାକୁ ଇଚ୍ଛା ନାହିଁ: ନୀତୀଶ କୁମାର
ପାଟନା: ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଆଜି ମହାଗଠବନ୍ଧନର ସମସ୍ତ ଦଳର ବିଧାୟକ ତଥା ଏମଏଲସିଙ୍କ ବୈଠକରେ ଏକ ବଡ଼ ଘୋଷଣା କରିଛନ୍ତି। ନୀତୀଶ କୁମାର କହିଛନ୍ତି ଯେ ବର୍ତ୍ତମାନ ତେଜସ୍ୱୀ ଯାଦବଙ୍କୁ ଆଗକୁ ବଢିବାକୁ ପଡିବ। ୨୦୨୫ ବିହାର ବିଧାନସଭା ନିର୍ବାଚନରେ ତେଜସ୍ବୀ ଯାଦବ ହିଁ ନେତୃତ୍ବ ନେବେ।
Sambad is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ସୋମବାର ମଧ୍ୟ ନୀତୀଶ କୁମାର ତେଜସ୍ୱୀଙ୍କୁ ଆଗକୁ ବଢାଇବା ବାବଦରେ କହିଥିଲେ । ସେ କହିଛନ୍ତି ଯେ ତାଙ୍କର ପ୍ରଧାନମନ୍ତ୍ରୀ କିମ୍ବା ମୁଖ୍ୟମନ୍ତ୍ରୀ ହେବାର ଇଚ୍ଛା ନାହିଁ, କିନ୍ତୁ ବିଜେପିକୁ ପରାସ୍ତ କରିବା ମୂଳ ଲକ୍ଷ୍ୟ ରହିଛି । ଅନ୍ୟପକ୍ଷରେ ନୀତୀଶ କୁମାରଙ୍କ ଏହି ବିବୃତି ପରେ ହିନ୍ଦୁସ୍ତାନୀ ଆୱାମ ମୋର୍ଚା ମୁଖପାତ୍ର ଦାନିଶ ରିଜୱାନ କହିଛନ୍ତି ଯେ ବିହାରର ତେଜସ୍ୱୀ ଯାଦବଙ୍କ ସମୟ ଆସିବ ବୋଲି ମୁଖ୍ୟମନ୍ତ୍ରୀ ସ୍ପଷ୍ଟ କରିଛନ୍ତି। ଯଦିଓ ଏହା ନୀତୀଶ କୁମାରଙ୍କର ନିଜସ୍ୱ ମନ୍ତବ୍ୟ | ଯେତେବେଳେ ମହାଗଠବନ୍ଧନର ମୁଖ୍ୟ ବୈଠକ ହେବ, ସେଥିରେ ନିଷ୍ପତ୍ତି ନିଆଯିବ | ତେଜସ୍ୱୀ ଯାଦବ ଭଲ କାମ କରୁଛନ୍ତି | ତାଙ୍କର ରାଜ୍ୟ ଶାସନ ସହ କିଭଳି ଯୁବପିଢିଙ୍କୁ ରୋଜଗାର ମିଳିପାରିବ ସେ ବିଷୟରେ ମଧ୍ୟ ଚିନ୍ତା କରୁଛନ୍ତି |
ଯୁବକମାନଙ୍କ ବିଷୟରେ ଚିନ୍ତା କରି ସେ ଆଗକୁ ବଢୁଛନ୍ତି | ଉଲ୍ଲେଖ ଥାଉ କି ଗତକାଲି ନୀତୀଶ କୁମାର କହିଥିଲେ ଯେ, “ଯେତେଦିନ ପର୍ଯ୍ୟନ୍ତ ସେମାନେ ରହିବେ, ସେପର୍ଯ୍ୟନ୍ତ କିଛି କରି ହେବ ନାହିଁ। କିନ୍ତୁ ଯେତେବେଳେ ସେମାନଙ୍କଠାରୁ ମୁକ୍ତି ମିଳିବ, ସେତେବେଳେ ଆମେ ଯେପରି ଚାହୁଁଛେ, ସେପରି ନାଳନ୍ଦା ବିଶ୍ୱବିଦ୍ୟାଳୟ ହେବ। ଦୁନିଆର ଅନେକ ଦେଶର ପିଲାମାନେ ନାଳନ୍ଦା ବିଶ୍ୱବିଦ୍ୟାଳୟକୁ ଅଧ୍ୟୟନ କରିବା ପାଇଁ ଆସୁଥିଲେ। ସେଥିପାଇଁ ଆମେ ପୁଣି ଥରେ ଏହାକୁ ସାଧାରଣ ପାଇଁ ନୁହେଁ, ବରଂ ସ୍ୱତନ୍ତ୍ର ଅଧ୍ୟୟନ ପାଇଁ ପ୍ରସ୍ତୁତ କରିଛୁ। ତେଜସ୍ୱୀ ଯାଦବ ବାକି କାର୍ଯ୍ୟ ସମାପ୍ତ କରିବେ ଏବଂ ଭବିଷ୍ୟତରେ ବିହାର ଉନ୍ନତି ପଥରେ ଆଗେଇ ଚାଲିବ। କୌଣସି ଅସୁବିଧା ହେବ ନାହିଁ।