ନୂଆଦିଲ୍ଲୀ : ଦୃଷ୍ଟିହୀନ ଟ୍ବେଣ୍ଟି-୨୦ କ୍ରିକେଟ୍‌ ବିଶ୍ବକପ୍‌ର ତୃତୀୟ ସଂସ୍କରଣରେ ରବିବାର ଭାରତ ଓ ଦକ୍ଷିଣ ଆଫ୍ରିକା ମ୍ୟାଚ୍‌କୁ ବର୍ଷା ଧୋଇନେଇଛି। କୋଚିରେ ଖେଳାଯିବାକୁ ଥିବା ଏହି ମ୍ୟାାଚ୍‌ରେ ପ୍ରବଳ ବର୍ଷା ‌ଯୋଗୁଁ ଗୋଟିଏ ବି ବଲ୍‌ ବୋଲିଂ ହୋଇନପାରିବାରୁ ଉଭୟ ଦଳ ପଏଣ୍ଟ ବାଣ୍ଟିଛନ୍ତି। ପ୍ରଥମ ଦୁଇ ମ୍ୟାଚ୍‌କୁ କ୍ରମାଗତ ଭାବେ ଜିତିଥିବା ଭାରତ ଏବେ ଓଡ଼ିଶା ଆସି କଟକର ବାରବାଟୀ ଷ୍ଟାଡିୟମ୍‌ରେ ବାଂଲାଦେଶ ସହ ପରବର୍ତୀ ମ୍ୟାଚ୍‌ ଖେଳିବ। ଏହି ମ୍ୟାଚ୍‌ ଆସନ୍ତା ୧୩ ତାରିଖରେ ଖେଳାଯିବ। ଆସନ୍ତାକାଲିକୁ ବିଶ୍ରାମ ଦିବସ ରଖାଯାଇଛି। ରବିବାର ମୁମ୍ବାଇରେ ଖେଳାଯାଇଥିବା ଏକ ମ୍ୟାଚ୍‌ରେ ବାଂଲାଦେଶ (୨୨୫/୩) ୧୦୨ ରନ୍‌ରେ ଅଷ୍ଟ୍ରେଲିଆ (୧୨୩/୧୦)କୁ ପରାସ୍ତ କରି ତୃତୀୟ ବିଜୟ ହାସଲ କରିଛି।