ପୂଜା ଚୋପ୍ରାଙ୍କ ଦୁଃଖଦ କାହାଣୀ : ଜନ୍ମ ପରେ ଘରୁ ତଡ଼ା ଖାଇଥିଲେ ମା’!
ଏମିତି ଜଣେ ଅଭିନେତ୍ରୀଙ୍କ ବିଷୟରେ ଜାଣନ୍ତୁ, ଯାହାଙ୍କୁ ଜନ୍ମ ହେବା ପୂର୍ବରୁ ସଂଘର୍ଷ କରିବାକୁ ପଡ଼ିଛି । ଏହି ଅଭିନେତ୍ରୀଙ୍କ କାହାଣୀ ଶୁଣିବା ପରେ ଆପଣଙ୍କ ଆଖିରେ ଲୁହ ଆସିଯିବ। କାରଣ ତାଙ୍କର ନିଜ ବାପା ହିଁ ତାଙ୍କୁ ମାରିବାକୁ ଚାହୁଁଥିଲେ । ସେ ହେଉଛନ୍ତି ‘କମାଣ୍ଡୋ’ର ଅଭିନେତ୍ରୀ ପୂଜା ଚୋପ୍ରା । କିଛି ଦିନ ପୂର୍ବରୁ ରିଲିଜ ହୋଇଥିବା ଫିଲ୍ମ ‘ଅଇୟାରୀ’ରେ ମଧ୍ୟ ନଜର ଆସିଛନ୍ତି ପୂଜା । ନିଜର ଚୁଲବୁଲି ଏବଂ ଖୋଲାପଣ ପାଇଁ ସେ ବଲିଉଡ଼ରେ ବେଶ୍ ପରିଚିତ । କିନ୍ତୁ ତାଙ୍କ ଅତୀତର ଦୁଃଖଭରା କାହାଣୀ ବୋଧହୁଏ କାହାକୁ ଜଣା ନ ଥିବ ।
Sambad is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ଏକ ସାକ୍ଷାତକାରରେ ଆସି ସେ ତାଙ୍କ ଜୀବନର କରୁଣ କାହାଣୀ ପ୍ରଥମ ଥର ପାଇଁ ସମସ୍ତଙ୍କୁ ଜଣାଇଥିଲେ । ଯେତେବେଳେ ସେ ତାଙ୍କ ମା’ଙ୍କ ପେଟରେ ଥିଲେ ସେତେବେଳେ ତାଙ୍କ ବାପା ଝିଅ ହେଲେ ତାଙ୍କ ମା’ଙ୍କୁ ଘରୁ ବାହାର କରିଦେବେ ବୋଲି ଧମକ ଦେଇଥିଲେ । କାରଣ ପୂର୍ବରୁ ପୂଜାଙ୍କର ଜଣେ ବଡ଼ ଭଉଣୀ ଥିଲେ। ତାଙ୍କ ବାପା ଆଉ ଗୋଟିଏ ଝିଅ ଚାହୁଁ ନ ଥିଲେ ।
ପୂଜା ଜନ୍ମ ହେବା ପରେ ତାଙ୍କ ବାପା ତାଙ୍କୁ ଦେଖିବାକୁ ଡ଼ାକ୍ତରଖାନା ନ ଆସିବା ସହ ତାଙ୍କ ମା’ଙ୍କୁ ଘରୁ ବାହାର କରି ଦେଇଥିଲେ । ତା’ପରେ ପୂଜାଙ୍କ ମା’ ଦୁଇ ଝିଅଙ୍କୁ ନେଇ କୋଲକାତାରୁ ନିଜ ବାପଘର ମୁମ୍ବାଇକୁ ଚାଲି ଆସିଥିଲେ । ଏକା ଦୁଇ ଝିଅଙ୍କୁ ସମ୍ଭାଳିବାକୁ କଷ୍ଟ ହୋଇଥିଲେ ମଧ୍ୟ ସେ ପଛଘୁଞ୍ଚା ଦେଇ ନ ଥିଲେ । ସେଥିପାଇଁ ପୂଜା ତାଙ୍କ ମାଙ୍କୁ ଅଧିକ ସମ୍ମାନ ଦେବା ସହ ସେ ପ୍ରକୃତ ଫାଇଟର ବୋଲି କହିଛନ୍ତି ।