ସୋସିଆଲ୍‌ ମିଡିଆରେ ଶାହାରୁଖଙ୍କୁ ନେଇ ଟ୍ରୋଲ୍‌, ଦେଶ ଛାଡ଼ି ପାକିସ୍ତାନ ଚାଲିଯାଅ ବୋଲି କହିଲେ ଲୋକେ

0 689

ନୂଆଦିଲ୍ଲୀ: ବଲିଉଡ୍‌ ତାରକା ଶାହରୁଖ୍‌ ଖାନ୍‌କୁ ସୋସିଆଲ ମିଡିଆରେ ବ୍ୟବହାରକାରୀଙ୍କ ରୋଷର ଶିକାର ହେବାକୁ ପଡିଛି। ଶାହାରୁଖଙ୍କର ଜଣେ ସଂପର୍କୀୟା ଭଉଣୀ ନୁର୍‌ ଜାହାଁ ପାକିସ୍ତାନରେ ଆଗାମୀ ନିର୍ବାଚନ ଲଢୁଥିବା ଖବର ପ୍ରକାଶିତ ହେବା ପରେ ତାଙ୍କୁ ସୋସିଆଲ ମିଡିଆରେ ଟ୍ରୋଲ୍‌ କରାଯାଇଛି। ଶାହାରୁଖ୍‌ଙ୍କ ଭଉଣୀ ପାକିସ୍ତାନୀ ହୋଇଥିବାରୁ ଲୋକେ ରାଗ ଦେଖାଇଛନ୍ତି। ତେବେ ୧୯୪୭ରେ ହୋଇଥିବା ଦେଶ ବିଭାଜନ ସମୟରେ ଅନେକ ଭାରତୀୟ ପରିବାର ପାକିସ୍ତାନରେ ରହିଯାଇଥିବା ବେଳେ ସେମାନଙ୍କର ପରିବାରର କିଛି ସଦସ୍ୟ ଦିଲ୍ଲୀ ଅଥବା ପଞ୍ଜାବ ପଳାଇ ଆସି ସ୍ଥାୟୀ ବାସିନ୍ଦା ପାଲଟିଥିଲେ। ଏଭଳି ସ୍ଥଳରେ ଶାହରୁଖଙ୍କ ଭଉଣୀ ପାକିସ୍ତାନ ନିର୍ବାଚନ ଲଢିବା କିଛି ଅପରାଧ ନୁହେଁ। ଅନେକ ଅଯଥାରେ ଶାହାରୁଖଙ୍କ ପାକିସ୍ତାନୀ ସଂଯୋଗ ଅଛି ବୋଲି କହି ସମାଲୋଚନା କରୁଛନ୍ତି। ଟ୍ଵିଟରରେ ଶାହାରୁଖ ପାକିସ୍ତାନ ଜାତୀୟ ପତାକା ଉଡାଉଥିବା ଏକ ଫଟୋ ପୋଷ୍ଟ କରି ଜଣେ ବ୍ୟବହାରକାରୀ ଲେଖିଛନ୍ତି ‘ଫିର୍‌ ବି ଦିଲ୍‌ ହୈ ପାକିସ୍ତାନୀ’। ପୁଣି ଏପରି ବି ଜଣେ ଲେଖିଛନ୍ତି କି ପାକିସ୍ତାନ୍‌ ଚାଲିଯାଅ, ଭାରତ କେବେ ବି ଆସିବନି।

ଉଲ୍ଲେଖଯୋଗ୍ୟ କି ଶାହାରୁଖଙ୍କ ବାପା ଜଣେ ସ୍ୱାଧୀନତା ସଂଗ୍ରାମୀ ଥିଲେ। ସେ ଦେଶ ବିଭାଜନ ସମୟରେ ପାକିସ୍ତାନରେ ନ ରହି ଭାରତ ଚାଲି ଆସିଥିଲେ। ତେବେ ଅତୀତରେ ଶାହାରୁଖ ଦେଇଥିବା କେତେକ ମନ୍ତବ୍ୟକୁ ନେଇ ତାଙ୍କୁ ଟ୍ରୋଲ କରାଯାଇଛି। ସେ ଏକଦା ପାକିସ୍ତାନୀ ଖେଳାଳିଙ୍କୁ ଆଇପିଏଲ ଖେଳାଇବା ସପକ୍ଷରେ ମତ ରଖିଥିଲେ। ଏକାଧିକ ପାକିସ୍ତାନୀ ଅଭିନେତା-ଅଭିନେତ୍ରୀଙ୍କୁ ସେ ତାଙ୍କ ଫିଲ୍ମରେ ଅଭିନୟ କରିବାର ସୁଯୋଗ ଦେଇଛନ୍ତି।

Panda Mobile only

ମିଳିଥିବା ସୂଚନା ଅନୁସାରେ ପାକିସ୍ତାନରେ ରହୁଥିବା ଏହି ଭଉଣୀଙ୍କ ସହ ଶାହାରୁଖଙ୍କ ସଂପର୍କ ଅତି ନିବିଡ଼। ସଂପର୍କୀୟା ଭଉଣୀ ନୁର୍‌ ଜହାଁ ମହିଳା ସଶକ୍ତିକରଣ ପାଇଁ କାମ କରିବାକୁ ଚାହାନ୍ତି। ଏହା ବ୍ୟତୀତ ସେ ନିଜ ନିର୍ବାଚନ ମଣ୍ଡଳୀର ସମସ୍ୟା ଉପରେ ବିଶେଷ ଦୃଷ୍ଟି ରଖିବେ ବୋଲି ଜାଣିବାକୁ ମିଳିଛି। ନୁର୍‌ ଜହାଁଙ୍କ ଭାଇ ଜଣେ କାଉନ୍‌ସିଲର୍‌ ହୋଇଥିବାରୁ ରାଜନୀତି ସହିତ ତାଙ୍କ ପରିବାରର ପୂର୍ବରୁ ସଂପର୍କ ରହିଛି ବୋଲି ନୁର୍‌ ଜହାଁ ମତ ରଖିଛନ୍ତି। ସେ ଆଗାମୀ ନିର୍ବାଚନରେ ନିର୍ଦଳୀୟ ପ୍ରାର୍ଥୀ ଭାବେ ପେଶାବରରୁ ପ୍ରତିଦ୍ୱନ୍ଦିତା କରିବେ।

ସମ୍ବନ୍ଧିତ ଖବର

Leave A Reply

Your email address will not be published.