ରାମମନ୍ଦିର ପ୍ରସଙ୍ଗରେ କଠୋର ହେଲା ସଂଘ: ୧୯୯୨ ଭଳି ଆନ୍ଦୋଳନର ଆବଶ୍ୟକତା ପଡ଼ିପାରେ
ନୂଆଦିଲ୍ଲୀ : ରାମ ମନ୍ଦିର ମାମଲାଟି ଫଇସଲା ହେବାରେ ବିଳମ୍ବ ହେଉଥିବାରୁ ରାଷ୍ଟ୍ରୀୟ ସ୍ୱୟଂ ସେବକ ସଂଘ (ଆରଏସଏସ) ବ୍ୟସ୍ତ ହୋଇପଡିଛି। ଆବଶ୍ୟକ ପଡିଲେ ୧୯୯୨ ପରି ଆନ୍ଦୋଳନକୁ ଓହ୍ଲାଇବାକୁ ପଡ଼ିପାରେ ବୋଲି ସଂକେତ ଦେଇଛି । ଆଜି ଅାରଏସଏସ ମୁଖ୍ୟ ମୋହନ ଭାଗବତ ଓ ବିଜେପି ଅଧ୍ୟକ୍ଷ ଅମିତ ଶାହାଙ୍କ ମଧ୍ୟରେ ଏକ ସାକ୍ଷାତକାର ପରେ ଆରଏସଏସ ମହାସଚିବ ଭୈୟାଜୀ ଯୋଶୀ କହିଛନ୍ତି ଯେ ଆବଶ୍ୟକ ପଡିଲେ ୧୯୯୨ ପରି ଆନ୍ଦୋଳନ ମଧ୍ୟ କରାଯିବ । କୋଟି କୋଟି ଲୋକଙ୍କ ଭାବନା ସହ ଜଡିତ ରାମମନ୍ଦିର ପ୍ରସଙ୍ଗ ଯଦି ସୁପ୍ରିମକୋର୍ଟଙ୍କ ଅଗ୍ରାଧିକାର ତାଲିକାରେ ନାହିଁ, ତାହା ହେଲେ କ’ଣ ଅଛି ? ଆଶା କରାଯାଉଥିଲା ଯେ ଦୀପାବଳି ପୂର୍ବରୁ ଏହି ମାମଲାରେ ଏକ ଭଲ ଖବର ଆସିବ, କିନ୍ତୁ ସୁପ୍ରିମକୋର୍ଟ ତାହାକୁ ଜାନୁୟାରୀ ପର୍ଯ୍ୟନ୍ତ ଘୁଞ୍ଚାଇ ଦେଇଥିବାରୁ ସେ ନିରାଶା ପ୍ରକଟ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ରାମ ମନ୍ଦିର ପାଇଁ ଅଧ୍ୟାଦେଶ ଆଣିବା ସମ୍ପର୍କରେ ସେ କହିଛନ୍ତି ଏଥିପାଇଁ ଯେଉଁମାନେ ଦାବି କରିବା କଥା କରିବେ, କିନ୍ତୁ କିପରି ଏହି ଅଧ୍ୟାଦେଶ କିମ୍ବା ଆଇନ ଅଣାଯିବ ତାହା ଚିନ୍ତା କରିବା ସରକାରଙ୍କ କାମ ବୋଲି ସେ କହିଛନ୍ତି ।