ବେଙ୍ଗାଲୁରୁ: କର୍ଣ୍ଣାଟକ ରାଜନୀତିରେ ଉତ୍ତେଜନା ଦେଖାଦେଇଛି। ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବ ଗୌଡାଙ୍କ ନାତି ପ୍ରଜ୍ଜ୍ବଳ ରେଭାନ୍ନାଙ୍କ ସମସ୍ୟା ବଢ଼ିବାରେ ଲାଗିଛି। ଏଥି ସହିତ, ଏହି ପ୍ରସଙ୍ଗରେ ଆରୋପ ଏବଂ ପ୍ରତ୍ୟାରୋପ ବଢ଼ିବାରେ ଲାଗିଛି। ରାଜ୍ୟ ସରକାରଙ୍କ ଉପମୁଖ୍ୟମନ୍ତ୍ରୀ ଡି.କେ ଶିବକୁମାର ପୂର୍ବତନ ମୁଖ୍ୟମନ୍ତ୍ରୀ ତଥା ଜେଡିଏସ ନେତା ଏଚଡି କୁମାରସ୍ୱାମୀଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଅଶ୍ଳୀଳ ଭିଡିଓ ଭାଇରାଲ କରିବା ନେଇ ସେ କୁମାରସ୍ୱାମୀଙ୍କୁ ଦାୟୀ କରିଛନ୍ତି। ଜେଡିଏସ୍ ନେତାଙ୍କୁ ବ୍ଲାକମେଲିଂ କାହାଣୀର ମୁଖ୍ୟ, ନିର୍ଦ୍ଦେଶକ ଏବଂ ନିର୍ମାତା ବୋଲି ସେ କୁମାରସ୍ବାମୀଙ୍କୁ କହିଛନ୍ତି। ରାଜ୍ୟ କଂଗ୍ରେସ ସଭାପତି ଶିବକୁମାର କୁମାରସ୍ୱାମୀଙ୍କୁ ମୁଖ୍ୟ ଷଡ଼ଯନ୍ତ୍ରକାରୀ ବୋଲି କହିଛନ୍ତି।
କୁମାରସ୍ୱାମୀଙ୍କ ଭଣଜା ଏବଂ ୩୩ବର୍ଷ ବୟସ୍କ ଜେଡିଏସ୍ ସାଂସଦ ପ୍ରଜ୍ଜ୍ବଳ ରେଭାନ୍ନା ଯୌନ ଶୋଷଣ ଅଭିଯୋଗର ସମ୍ମୁଖୀନ ହେଉଛନ୍ତି। ଏହି ମାମଲା ରାଜନୈତିକ ମହଲରେ ଝ ଡ଼ ସୃଷ୍ଟି କରିଛି। ଶାସକ କଂଗ୍ରେସ ଏବଂ ବିଜେପି-ଜେଡିଏସ୍ ମଧ୍ୟରେ ଆରୋପ ପ୍ରତ୍ୟାରୋପ ଆରମ୍ଭ ହୋଇଛି। ଏହି ମାମଲାର ଯାଞ୍ଚ୍ ପାଇଁ କଂଗ୍ରେସ ସରକାର ଏକ ସ୍ୱତନ୍ତ୍ର ଅନୁସନ୍ଧାନକାରୀ ଦଳ (ଏସଆଇଟି) ଗଠନ କରିଥିବାବେଳେ ବିଜେପି ଏବଂ ଏନଡିଏ ସହଯୋଗୀ ଜେଡିଏସ୍ ଏହାକୁ ସିବିଆଇକୁ ହସ୍ତାନ୍ତର କରିବାକୁ ଦାବି କରିଛନ୍ତି।
ଶିବକୁମାର କହିଛନ୍ତି, ‘କୁମାରସ୍ୱାମୀ ପେନ୍ ଡ୍ରାଇଭ୍ ମାମଲା ବିଷୟରେ ସବୁକିଛି ଜାଣିଛନ୍ତି। ଜଣେ ଓକିଲ ଦେବରାଜ ଗୌଡା ଏବଂ ଅନ୍ୟମାନେ ଏହା କହୁଛନ୍ତି। କୁମାରନା (କୁମାରସ୍ୱାମୀ) ମୋର ଇସ୍ତଫା ଚାହୁଁଛନ୍ତି। ଭୋକାଲିଗା ନେତୃତ୍ୱ ପାଇଁ ପ୍ରତିଯୋଗିତାଜାରି ରହିଛି।
ରାଜନୈତିକ ଦୃଷ୍ଟିରୁ ଜଣକ ପରେଜଣଙ୍କୁ ହଟାଇବା କୁମାରସ୍ୱାମୀଙ୍କକାମ। କୁମାରସ୍ୱାମୀ ହେଉଛନ୍ତି ବ୍ଲାକମେଲଙ୍କର ରାଜା। ସେ ସମସ୍ତ ଅଧିକାରୀ ଏବଂ ରାଜନେତାମାନଙ୍କୁ ଧମକ ଦେଉଛନ୍ତି। ସେମାନଙ୍କୁ ଆଉ କ’ଣ କରିବାକୁ ପଡ଼ିବ? ସେମାନେ ଏହା କରନ୍ତୁ, ଏସବୁ ବିଷୟରେ ଆଲୋଚନା କରିବାର ସମୟ ଅଛି, ଆସନ୍ତୁ ବିଧାନସଭାରେ ଆଲୋଚନା କରିବା ବୋଲି କହୁଛନ୍ତି।
ଏହା ପୂର୍ବରୁ ମଙ୍ଗଳବାର ଦିନ କୁମାରସ୍ୱାମୀ ଦାବି କରିଥିଲେ ଯେ ତାଙ୍କ ପୁତୁରା ଲୋକସଭା ନିର୍ବାଚନ ପ୍ରାର୍ଥୀ ପ୍ରଜ୍ଜ୍ବଲ ରେଭାନ୍ନାଙ୍କ ଯୌନ ଶୋଷଣର ଭିଡିଓ ଥିବା ୨୫,୦୦୦ ପେନ୍ ଡ୍ରାଇଭ୍ ନିର୍ବାଚନ ପୂର୍ବରୁ ବଣ୍ଟନ କରାଯାଇଥିଲା ଏବଂ ମୁଖ୍ୟମନ୍ତ୍ରୀ ସିଦ୍ଧରମୈୟା ଏବଂ ଡି.କେ ଶିବକୁମାରଙ୍କ ବିରୋଧରେ ଏହି ଷଡଯନ୍ତ୍ରର ଅଭିଯୋଗ କରାଯାଇଥିଲା ।
ପୂର୍ବତନ ମୁଖ୍ୟମନ୍ତ୍ରୀ ଏପ୍ରିଲ ୨୮ ରେ କଂଗ୍ରେସ ସରକାରଙ୍କ ଦ୍ବାରା ଗଠିତ ସ୍ୱତନ୍ତ୍ର ଅନୁସନ୍ଧାନକାରୀ ଦଳ (ଏସଆଇଟି) କୁ ଅସମ୍ମାନ କରିବାକୁ ଚେଷ୍ଟା କରିଥିଲେ। କାରଣ ସୋସିଆଲ ମିଡିଆରେ ତାଙ୍କ ଦ୍ବାରା ଭିଡିଓ ଭାଇରାଲ ହେବାରେ ଲାଗିଥିଲା।