ବାଥ୍ ଟବ୍ରେ କଏନ୍ ଭରି କରି ଆଇଫୋନ ଏକ୍ସଏସ୍ କିଣିବା ପାଇଁ ସୋ’ରୁମ୍ରେ ପହଞ୍ଚିଲେ ଯୁବକ,ତା’ପରେ..
ନୂଆଦିଲ୍ଲୀ : ସବୁ ଲୋକଙ୍କର ଆଇଫୋନ୍ ବ୍ୟବହାର କରିବାର ଏକ ସ୍ୱପ୍ନ ରହିଥାଏ । ପ୍ରତିବର୍ଷ ଆପଲ କମ୍ପାନୀ ଆଇଫୋନର ନୂଆ ନୂଆ ଭର୍ସନ ଆଣୁଥିବା ବେଳେ ଏହାର ଦାମ୍ ମଧ୍ୟ ବର୍ଷକୁ ବର୍ଷ ବଢ଼ିବାରେ ଲାଗିଛି । ତେବେ ଫୋନ ମଧ୍ୟରେ ଆଇଫୋନକୁ ରାଜା ବୋଲି ଲୋକେ କହୁଥିବା ବେଳେ ଜଣେ ଯୁବକ କରିଥିବା କାମ ଏବେ ଚର୍ଚ୍ଚାର ବିଷୟ ପାଲଟିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମାର୍କେଟକୁ ନୂଆ ଆସିଥିବା ଆଇଫୋନ ଏକ୍ସଏସ୍ କିଣିବା ପାଇଁ ଋଷିଆର ଜଣେ ଯୁବକ ସୋ’ ରୁମ୍ରେ ପହଞ୍ଚିଥିଲେ । ତାଙ୍କୁ ଦେଖି ସୋ’ ରୁମ୍ ଭିତରେ ଏବଂ ବାହାରେ ଥିବା ଲୋକ ଆଶ୍ଚର୍ଯ୍ୟ ହୋଇ ଯାଇଥିଲେ। ଏହାର କାରଣ ଥିଲା ସେ ଧରିଥିବା ବାଥ୍ ଟବ୍, ଯାହା କଏନ୍ରେ ଭର୍ତ୍ତି ହୋଇଥିଲା । ନିଜ ବନ୍ଧୁଙ୍କ ସହାୟତାରେ ଯୁବକଜଣକ ବାଥ୍ ଟବ୍କୁ ନେଇ ସୋ’ ରୁମ୍ ଭିତରେ ରଖିବା ପରେ ସୋ’ରୁମ୍ କର୍ମଚାରୀଙ୍କ ହୋସ ଉଡ଼ି ଯାଇଥିଲା । ପରେ ସୋ’ ରୁମ୍ କର୍ମଚାରୀଙ୍କୁ ଏହି ଟଙ୍କା ଗଣିବା ପାଇଁ ଅନେକ ସମୟ ଲାଗିଥିଲା । ଟଙ୍କା ଗଣିବା ସରିବା ପରେ ଯୁବକଙ୍କୁ ତାଙ୍କ ମନ ପସନ୍ଦର ଫୋନ ମିଳି ଯାଇଥିଲା । ତେବେ ଏତେ ସଂଖ୍ୟକ କଏନ୍ ନେଇ ଆଇଫୋନ ଏକ୍ସଏସ୍ ଭଳି ଫୋନ କିଣିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।