ମୁମ୍ବାଇ : ଅଶୀ, ନବେ ଦଶକରେ ଭାରତର ଘରେ ଘରେ ପରିଚିତ ଥିବା ବଜାଜ ଚେତକ ସ୍କୁଟର ୨୦୧୯ରେ ନିଜର ଇଲେକ୍ଟ୍ରିକ ଭର୍ସନ ସହ ବଜାରକୁ ଫେରିଥିଲା । କିନ୍ତୁ ତାହା ଆଶାନୁରୂପ ଭାବେ ଗ୍ରାହକଙ୍କ ସମର୍ଥନ ପାଇପାରିନଥିଲା । କିନ୍ତୁ ଏବେ ଏକ ଅଧିକ ଶକ୍ତିଶାଳୀ ଇଂଜିନ ସହ ଫେରୁଛି ଚେତକ୍ ।
Sambad is now on WhatsApp
Join and get latest news updates delivered to you via WhatsApp
ଜାତୀୟ ସ୍ତରର ଗଣମାଧ୍ୟମଗୁଡ଼ିକରେ ପ୍ରକାଶିତ ରିପୋର୍ଟ ଅନୁସାରେ ବଜାଜ ଚେତକ ଇଲେକ୍ଟ୍ରିକର ୨୦୨୨ ଭର୍ସନକୁ ଦିଲ୍ଲୀ ସରକାର ଅନୁମତି ଦେଇଛନ୍ତି । ଏହି ନୂଆ ଭର୍ସନରେ ଏକ ଅଧିକ ଶକ୍ତିଶାଳୀ ଇଂଜିନ ଲାଗିଛି । ଫଳରେ ଏହି ସ୍କୁଟରଟି ଅଧିକ ବେଗରେ ଯାଇପାରିବ ଓ ଅଧିକ ଦକ୍ଷତା ଦେଖାଇପାରିବ । ଏହି ସ୍କୁଟରରେ ବୋସ କମ୍ପାନିର ଏକ ୪.୦୮ କିଲୋଓ୍ବାଟ୍ ଇଂଜିନ ଲାଗିଛି ଓ ଏକ ୩ କିଲୋଓ୍ବାଟଆଓ୍ବାର ବ୍ୟାଟେରି ଲାଗିଛି । ତେବେ ଏଥିରେ ଏକ ସ୍ବଦେଶୀ ଜ୍ଞାନକୌଶଳରେ ନିର୍ମିତ ମୋଟର ଲାଗିଛି । ଅନ୍ୟପକ୍ଷରେ କମ୍ପାନି ପକ୍ଷରୁ ଏହି ସ୍କୁଟର ସମ୍ପର୍କରେ କୌଣସି ଆନୁଷ୍ଠାନିକ ଘୋଷଣା କରାଯାଇନାହିଁ ।
ବର୍ତ୍ତମାନ ଉପଲବ୍ଧ ଚେତକ ଇଲେକ୍ଟ୍ରିକର ଇକୋ ଭର୍ସନ ସଂପୂର୍ଣ୍ଣ ଚାର୍ଜ କଲେ ୯୫ କିଲୋମିଟର ଯାଉଥିବାବେଳେ ସ୍ପୋର୍ଟସ ଭର୍ସନକୁ ସଂପୂର୍ଣ୍ଣ ଚାର୍ଜ କଲେ ୮୫ କିଲୋମିଟର ଯାଉଥିଛି । କିନ୍ତୁ ନୂଆ ମଡେଲରେ ଥରେ ଚାର୍ଜ କଲେ ତାହା ୧୦୦ରୁ ଅଧିକ କିଲୋମିଟର ଯିବ ବୋଲି ଅନୁମାନ କରାଯାଉଛି ।