ଯୁବକଙ୍କୁ ମିଛ ଦୁଷ୍କର୍ମ ମାମଲାରେ ଫସାଇବାକୁ ଚେଷ୍ଟା କରି ଗିରଫ ହେଲେ ମହିଳା
ମଥୁରା : ସଂପ୍ରତି ସାରା ଦେଶରେ ଦୁଷ୍କର୍ମକୁ ନେଇ ଅନେକ ଆଲୋଚନା ଚାଲିଥିବା ବେଳେ ପୁଣି ଏକ ଆଶ୍ଚର୍ଯ୍ୟ କଲା ଭଳି ଘଟଣା ସାମ୍ନାକୁ ଆସିଛି । ଦୁଷ୍କର୍ମର ଶିକାର ନ ହୋଇ ମଧ୍ୟ ଜଣେ ମହିଳା ଜନୈକ ଯୁବକଙ୍କ ଉପରେ ମିଥ୍ୟା ଆରୋପ ଲାଗାଇ ତାଙ୍କ ଠାରୁ ୩୫ଲକ୍ଷ ଟଙ୍କା ହଡ଼ପ କରିବାକୁ ଚେଷ୍ଟା କରିଥିବା ଅଭିଯୋଗ ହୋଇଛି । ଘଟଣାର ସତ୍ୟା ସତ୍ୟ ଜଣା ପଡ଼ିବା ପରେ ପୁଲିସ ଅଭିଯୁକ୍ତ ମହିଳା ଏବଂ ତାଙ୍କ ସାଥୀକୁ ଗିରଫ କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଲଓ୍ଵରରେ ରହୁଥିବା ଜନୈକା ମହିଳା କିଛି ଦିନ ତଳେ ଜଷର ଯୁବକଙ୍କ ସହ ଫୋନ ଯୋଗେ କଥା ହେବା ଆରମ୍ଭ କରିଥିଲେ । ୨ମାସ ଫୋନରେ କଥା ହେବା ପରେ ଦୁଇ ଜଣ ବୃନ୍ଦାବନରେ ଥିବା ଏକ ହୋଟେଲରେ ଦେଖା ହୋଇଥିଲେ । ଦେଖା କରିବାର କିଛି ଦିନ ପରେ ମହିଳାଙ୍କ ଓକିଲ ଉକ୍ତ ଯୁବକ ଜଣଙ୍କୁ ୩୫ଲକ୍ଷ ଟଙ୍କା ମାଗିଥିଲେ । ଟଙ୍କା ନଦେଲେ ଦୁଷ୍କର୍ମ କରିଛ ବୋଲି ମିଛ ଆରୋପ ଲାଗାଇ ଜେଲ୍ ପଠାଇ ଦେବେ ବୋଲି ଧମକ ମଧ୍ୟ ଦେଇଥିଲେ ।
ପ୍ରଥମେ ଏହି ଘଟଣା ବିଷୟରେ ଯୁବକଙ୍କ ପରିବାର ଲୋକେ ଜାଣିବା ପରେ ୨୫ଲକ୍ଷ ଟଙ୍କା ଦେବାକୁ ରାଜି ହୋଇଥିବା ବେଳେ ପରେ ଏ ନେଇ ପୁଲିସ ଆଗରେ ଅଭିଯୋଗ କରିଥିଲେ । ପୂରା ଘଟଣା ବିଷୟରେ ଜାଣିବା ପରେ ପୁଲିସ ଜାଲ ବିଛାଇ ମିଛରେ ପୁଣି ଥରେ ଅଭିଯୁକ୍ତ ମହିଳା ଏବଂ ତାଙ୍କ ସାଥୀଙ୍କୁ ବୃନ୍ଦାବନକୁ ଡ଼କାଇଥିଲେ । ଯେଉଁଠି ଦୁଇ ଅଭିଯୁକ୍ତଙ୍କୁ ଗିରଫ କରିଥିଲା ପୁଲିସ ।