କାଳବୈଶାଖୀରେ ଉପଖଣ୍ଡ ଚିକିତ୍ସାଳୟର ଉଡ଼ିଲା ଛାତର ଟିଣ-ଆଜବେଷ୍ଟ, ଅଳ୍ପକେ ବର୍ତ୍ତିଲେ ରୋଗୀ ଓ ତାଙ୍କ ସମ୍ପର୍କୀୟ
ରାଇରଙ୍ଗପୁର: ଉତ୍ତମ ଚିକିସ୍ଥା ଯୋଗାଇବା ସହ ଚିକିତ୍ସାଳୟର ସୋନ୍ଦର୍ଯ୍ୟକରଣ ନିମନ୍ତେ ସମସ୍ତ ମେଡିକାଲକୁ ୫ଟି ଯୋଜନାରେ ଅନ୍ତର୍ଭୁକ୍ତ କରାଯାଇ ସେଗୁଡ଼ିକର ରୁପାନ୍ତିକରଣ କରାଯାଇଛି। ବିଭିନ୍ନ ଠିକା ସଂସ୍ଥା ଦ୍ୱାରା ଏହି ନିର୍ମାଣ କାର୍ଯ୍ୟ ଦାୟିତ୍ଵସମ୍ପନ୍ନ କରାଯାଇଥିବାବେଳେ ଠିକା ସଂସ୍ଥା ଓ ଯନ୍ତ୍ରୀଙ୍କ ମିଳିଭଗତରେ କରାଯାଉଛି ନିମ୍ନମାନର କାର୍ଯ୍ୟ । ଏହି ଦୃଶ୍ୟ ହେଉଛି ମୟୂରଭଞ୍ଜ ଜିଲ୍ଲା ବାବନଘାଟି ଉପଖଣ୍ଡ ରାଇରଙ୍ଗପୁରର ।
Sambad is now on WhatsApp
Join and get latest news updates delivered to you via WhatsApp
ସଂଧ୍ୟା ସମୟରେ ହଠାତ୍ ପବନ ବର୍ଷା ହୋଇଥିବାବେଳେ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟ ମୁଖ୍ୟ ପ୍ରବେଶ ଦୁଆର ପାଖର ଅକ୍ସିଜେନ ପ୍ଲାଣ୍ଟର ଉପର ଟିଣ ଆଜବେଷ୍ଟର ଛାତ ଉପୁଡି ଉଡି ପଡ଼ିବାରୁ ଅଳ୍ପକେ କିଛି ରୋଗୀ, ତାଙ୍କ ସମ୍ପର୍କୀୟ ଓ ହସ୍ପିଟାଲର କର୍ମଚାରୀମାନେ ବର୍ତ୍ତିଯାଇଛନ୍ତି। ସରକାର କୋଟି କୋଟି ଟଙ୍କା ଖର୍ଚ୍ଚ କରୁଥିବାବେଳେ ଅସାଧୁ ଠିକାଦାରମାନେ ନିମ୍ନମାନର କାର୍ଯ୍ୟ କରି ଲକ୍ଷ ଲକ୍ଷ ଟଙ୍କା ଆତ୍ମସାତ କରିଛନ୍ତି। ତେବେ ୫-ଟି ସଚିବ ଓ ମୁଖ୍ୟମନ୍ତ୍ରୀ ଏହି କାର୍ଯ୍ୟର ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରି ଶୀଘ୍ର ତଦନ୍ତ କରିବା ପାଇଁ ରାଇରଙ୍ଗପୁର ଅଞ୍ଚଳବାସୀ ଦାବି ରଖିଛନ୍ତି। ତେବେ କିଛି ସାଇକେଲ ଓ ମୋଟରସାଇକେଲ ଉପରେ ଟିଣ ଆଜବେଷ୍ଟ ପଡ଼ିଥିବାରୁ ସେଗୁଡିକ ଭାଙ୍ଗି ନଷ୍ଟ ହୋଇଯାଇଥିବା ଦେଖିବାକୁ ମିଳିଛି ।