ଜୁଏଲାରି ଲୁଟ୍ ଘଟଣା: ଛତିଶଗଡ଼ରୁ ଧରାପଡ଼ିଲେ ଦୁଇ ଅନ୍ତଃରାଜ୍ୟ ଲୁଟେରା
୧୨ଲକ୍ଷ ଟଙ୍କା, ୧୬୮ଗ୍ରାମ ସୁନା, କାର୍ ଜବତ
ବ୍ରହ୍ମପୁର: ବ୍ରହ୍ମପୁର ବଡ଼ ବଜାରରେ ଥିବା ଦୁଇଟି ସୁନା ଦୋକାନରୁ ହୋଇଥିବା ଲୁଟ୍ ଘଟଣାରେ ପୁଲିସକୁ ସଫଳତା ମିଳିଛି। ବ୍ରହ୍ମପୁର ପୁଲିସର ଏକ ସ୍ବତନ୍ତ୍ର ଟିମ୍ ଛତିଶଗଡ଼ରୁ ଦୁଇଜଣ ଅନ୍ତଃରାଜ୍ୟ ଲୁଟେରାଙ୍କୁ ଗିରଫ କରି ବ୍ରହ୍ମପୁର ଆଣିଛି। ସେମାନେ ହେଲେ ଛତିଶଗଡ଼ କବିରଧାମ ଜିଲ୍ଲା ପଣ୍ଡତରାଇ ଥାନା ନୟାପଡ଼ା ଗ୍ରାମର ଲୋକେଶ ଶ୍ରୀଭାସ(୨୯) ଓ ଦୁର୍ଗ ଜିଲ୍ଲା କୃଷିପର ଥାନା ମଧ୍ୟଲଗାନ୍ର ଲୋକେଶ ରାଓ(୨୪) ବୋଲି ବ୍ରହ୍ମପୁର ଏସ୍.ପି. ପିନାକ ମିଶ୍ର ଜିଲ୍ଲା ପୁଲିସ ମୁଖ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଏମାନଙ୍କ ନିକଟରୁ ୧୨ଲକ୍ଷ ୭ହଜାର ୬୦ଟଙ୍କା, ୧୬୮ଗ୍ରାମର ଅଳଙ୍କାର, ଗ୍ରିଲ୍ କଟର୍ ମେସିନ୍ ଏବଂ ଏକ କାର୍ ଜବତ ହୋଇଇଛି। ଜବତ ହୋଇଥିବା ଟଙ୍କା ଲୁଟ୍ ସୁନା ବିକ୍ରି କରି ଲୁଟେରାମାନେ ଠୁଳ କରିଥିବା ବେଳେ କାର୍ ମଧ୍ୟ ସେହି ଟଙ୍କାରେ କ୍ରୟ କରାଯାଇଥିବା ଏସ୍.ପି. କହିଛନ୍ତି। ୨୦୨୦ ମାର୍ଚ୍ଚ ମାସରେ ଉଭୟ ଲୁଟେରା ଗିରଫ ହୋଇ ଦୁର୍ଗ ଜେଲ୍ରେ ଥିବା ବେଳେ ବ୍ରହ୍ମପୁରର ସୁନା ଦୋକାନରେ ଚୋରି ପାଇଁ ବ୍ଲୁ-ପ୍ରିଣ୍ଟ୍ ପ୍ରସ୍ତୁତ କରିଥିଲେ ବୋଲି ପୁଲିସ କହିଛି।
Sambad is now on WhatsApp
Join and get latest news updates delivered to you via WhatsApp
