ଖୋର୍ଦ୍ଧା: ଜଣେ ମହିଳାଙ୍କୁ ମାଡ଼ ମାରି ଆହତ କରିବା ଘଟଣାରେ ଆଜି ପୁରୀ ଜିଲ୍ଲା କଣାସ ବ୍ଲକର ଏକ ସରକାରୀ ସ୍କୁଲର ପ୍ରଧାନଶିକ୍ଷକ ସଦରଥାନା ପୁଲିସ ଦ୍ୱାରା ଗିରଫ ହୋଇ କୋର୍ଟ ଚାଲାଣ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ସଦର ଥାନା ଅନ୍ତର୍ଗତ ବରମପୁରା ଗାଁରେ ରମେଶ ବଡ଼ଜେନା (୪୯) ତାଙ୍କ ପଡ଼ୋଶୀ ଜଣେ ମହିଳାଙ୍କ ପାଣି ଟ୍ୟାପ୍ରୁ ପାଣି ନେବାକୁ କେନ୍ଦ୍ର କରି ବିବାଦ ହୋଇଥିଲା । ଏଥିରେ ରମେଶ ମହିଳାଙ୍କୁ ଆକ୍ରମଣ କରି ଆହତ କରିଥିଲେ । ଏହି ଘଟଣାରେ ମହିଳାଜଣକ ସଦର ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ପୁଲିସ ୬୩/୨୦୨୧ରେ ଏକ ମାମଲା ରୁଜୁ କରିବା ସହ ରମେଶଙ୍କୁ ଥାନାକୁ ପଚରାଉଚୁରା ପାଇଁ ଡକାଇଥିଲେ ।
କିନ୍ତୁ ଏହାକୁ ରମେଶ ଏଡ଼ାଇ ଚାଲିଥିଲେ । ଶେଷରେ ପୁଲିସ ଗାଁରେ ପହଂଚି ତାଙ୍କୁ ଆଜି ଗିରଫ କରିବା ସହ କୋର୍ଟ ଚାଲାଣ କରିଛନ୍ତି । ଏନେଇ ସଦର ଥାନା ଅଧିକାରୀ ଅନିତା ସାହୁ କହିଛନ୍ତି, ରମେଶ ବର୍ତମାନ କଣାସ ବ୍ଲକରେ ସରକାରୀ ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷକ ଭାବେ କାମ କରନ୍ତି । ତାଙ୍କ ବିରୋଧରେ ପୂର୍ବରୁ ଦୁଇଟି ୧୦୮/୨୦୧୮ ଓ ୧୦୯/୨୦୧୮ ଅପରାଧିକ ମାମଲା ରହିଛି ।