ଭୁଲ ଇଂରାଜୀ ଲେଖି ଟୁଇଟ୍ରରେ ସୁଷମା ସ୍ୱରାଜଙ୍କୁ ସାହାଯ୍ୟ ମାଗିଲେ ଯୁବକ! ବ୍ୟବହାରକାରୀ ଥଟ୍ଟା କରିବା ପରେ ଏଭଳି ପ୍ରଶଂସନୀୟ ପ୍ରତିକ୍ରିୟା ଦେଲେ ସୁଷମା ସ୍ୱରାଜ
ନୂଆଦିଲ୍ଲୀ : ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ଟୁଇଟ୍ର ଜରିଆରେ ଅନେକ ଭାରତୀୟଙ୍କୁ ସାହାଯ୍ୟ କରିଛନ୍ତି । ସବୁବେଳେ ସୋସିଆଲ ମିଡିଆରେ ସକ୍ରିୟ ରହିବା ସହ ସେ ଭାରତ ବାହାରେ ଫସି ରହିଥିବା ଭାରତୀୟଙ୍କୁ ଠିକ୍ ସମୟରେ ସାହାଯ୍ୟ କରି ଅନେକ ଥର ପ୍ରଶଂସାର ପାତ୍ର ହୋଇଛନ୍ତି । ଏବେ ପୁଣି ଏକ ଘଟଣା ବୈଦେଶିକ ମନ୍ତ୍ରୀ ସୁଷମା ସ୍ୱରାଜଙ୍କୁ ପ୍ରଶଂସାର ପାତ୍ର କରିଛି।
Sambad is now on WhatsApp
Join and get latest news updates delivered to you via WhatsApp
@SushmaSwaraj @BBCNews @BBCBreaking
I from India in Punjab but I’m now in Malaysia here one my friend mental I want send go back to India but immigration say we are cannot help you first here treatment your friend after can I send India your friend can you ask immigration— Gavy (@Gavy34196087) 11 March 2019
ସୂଚନା ମୁତାବକ, ଜଣେ ଭାରତୀୟ ଯୁବକ ମାଲେସିଆରେ ରହୁଥିବା ବେଳେ ସେ ସୁଷମା ସ୍ୱରାଜଙ୍କଠାରୁ ସାହାଯ୍ୟ ମାଗିବାକୁ ଯାଇ ଏକ ଟୁଇଟ୍ କରିଥିଲେ । ଟୁଇଟ୍ଟି ଇଂରାଜୀରେ କରାଯାଇଥିବା ବେଳେ ଯୁବକଙ୍କ ଇଂରାଜୀରେ ଅନେକ ଭୁଲ ଥିବା ଦେଖା ଯାଇଥିଲା । ଏହି ଟୁଇଟ୍ ପଢ଼ିବା ପରେ ଜଣେ ବ୍ୟବହାରକାରୀ ସାହାଯ୍ୟ ମାଗିଥିବା ଯୁବକଙ୍କୁ, ଭାଇ ହିନ୍ଦୀ କି ପଞ୍ଜାବୀରେ ଲେଖି ଦେଇଥାନ୍ତ ବୋଲି କହି ଥଟ୍ଟା କରିଥିଲେ ।
There is no problem. After becoming Foreign Minister, I have learnt to follow English of all accents and grammar. https://t.co/2339A1Fea2
— Sushma Swaraj (@SushmaSwaraj) 11 March 2019
ତେବେ ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ସାହାଯ୍ୟ ମାଗିଥିବା ଯୁବକଙ୍କ ଇଂରାଜୀକୁ ନେଇ ଥଟ୍ଟା କରିବା ପରିବର୍ତ୍ତେ, କୌଣସି ଅସୁବିଧା ନାହିଁ ବୋଲି ଲେଖିଥିଲେ। ବୈଦେଶିକ ମନ୍ତ୍ରୀ ପଦ ସମ୍ଭାଳିବା ପରେ ମୁଁ ଇଂରାଜୀର ସବୁ ପ୍ରକାରର ଉଚ୍ଚାରଣ ଏବଂ ଗ୍ରାମାର ଜାଣି ନେଇଛି ବୋଲି ଲେଖିବା ସହ ଯୁବକଙ୍କୁ ସାହାଯ୍ୟ କରିବାର ପ୍ରତିଶ୍ରୁତି ଦେଇଥିଲେ । ସୁଷମା ସ୍ୱରାଜଙ୍କ ଏଭଳି ଟୁଇଟ୍ ପରେ ଏବେ ତାଙ୍କୁ ସମସ୍ତେ ପ୍ରଶଂସା କରିବାରେ ଲାଗି ପଡ଼ିଛନ୍ତି ।