ହଟିଲେ ଭବାନା ଗାୱଲି; ଲୋକସଭାରେ ଶିବସେନାର ମୁଖ୍ୟ ସଚେତକ ହେଲେ ରାଜନ ଭିଚାରେ
ମୁମ୍ବାଇ: ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନା ବୁଧବାର ସାଂସଦ ଭବାନା ଗାୱାଲିଙ୍କ ସ୍ଥାନରେ ଲୋକସଭାରେ ରାଜନ ଭିଚାରେଙ୍କୁ ଦଳର ମୁଖ୍ୟ ସଚେତକ ଭାବେ ମନୋନୀତ କରିଛି ବୋଲି କହିଛନ୍ତି ଦଳର ନେତା ତଥା ସାଂସଦ ସଞ୍ଜୟ ରାଉତ।
Sambad is now on WhatsApp
Join and get latest news updates delivered to you via WhatsApp
ଏ ସଂକ୍ରାନ୍ତରେ ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲାଦ ଯୋଶୀଙ୍କୁ ଲେଖିଥିବା ଏକ ଚିଠିରେ ରାଉତ କହିଛନ୍ତି, ଆପଣଙ୍କୁ ଜଣାଇବାକୁ ହେବ ଯେ ଶିବସେନା ସଂସଦୀୟ ଦଳ ତୁରନ୍ତ ପ୍ରଭାବରେ ସାଂସଦ (ଲୋକସଭା) ଭବାନା ଗାୱାଲିଙ୍କ ସ୍ଥାନରେ ଲୋକସଭାରେ ସାଂସଦ (ଲୋକସଭା) ରାଜନ ଭିଚାରେଙ୍କୁ ମୁଖ୍ୟ ସଚେତକ ଭାବେ ମନୋନୀତ କରିଛି। ଉଲ୍ଲେଖଯୋଗ୍ୟ, ଶ୍ରୀ ରାଉତ ଶିବସେନା ସଂସଦୀୟ ଦଳର ନେତା ଅଟନ୍ତି।
ମହାରାଷ୍ଟ୍ରର ୟାବତମାଲ-ୱାସିମ ଲୋକସଭା ନିର୍ବାଚନମଣ୍ଡଳୀର ପ୍ରତିନିଧିତ୍ୱ କରୁଥିବା ଗାୱାଲି ସେନା ସାଂସଦମାନଙ୍କ ମଧ୍ୟରୁ ଜଣେ ଥିଲେ ଯିଏ ଏକନାଥ ସିନ୍ଦେଙ୍କ ନେତୃତ୍ୱରେ ହୋଇଥିବା ବିଦ୍ରୋହ ମଧ୍ୟରେ ବିଜେପି ସହିତ ସେନା ସହଯୋଗୀ ଭାବେ ସାମିଲ ହୋଇଥିଲେ।
ଅନ୍ୟପକ୍ଷରେ ସିନ୍ଦେ ଗୋଷ୍ଠୀର ଗୁଲାବରାଓ ପାଟିଲ କହିଛନ୍ତି ଯେ ଆମ ସହିତ ସେନାର ୧୮ ଜଣ ସାଂସଦଙ୍କ ମଧ୍ୟରୁ ୧୨ ଅଛନ୍ତି। ମୁଁ ବ୍ୟକ୍ତିଗତ ଭାବେ ଚାରି ଜଣ ସାଂସଦଙ୍କୁ ଭେଟିଛି। ମଙ୍ଗଳବାର ଦିନ ଶିବସେନା ଲୋକସଭା ସଦସ୍ୟ ରାହୁଲ ଶେୱାଲେ ଠାକରେଙ୍କୁ ଅନୁରୋଧ କରିଛନ୍ତି ଯେ ସେ ତାଙ୍କ ଆଦିବାସୀ ମୂଳ ଏବଂ ସାମାଜିକ କ୍ଷେତ୍ରରେ ଅବଦାନକୁ ବିଚାରକରି ଏନଡିଏର ମନୋନୀତ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ ଦଳର ସାଂସଦମାନଙ୍କୁ କୁହନ୍ତୁ।