ପୁଲିସ ସେବା କ୍ଷେତ୍ରରେ ଦୁଇ ଓଡ଼ିଆଙ୍କୁ ରାଷ୍ଟ୍ରପତି ପୁରସ୍କାର
ନୂଆଦିଲ୍ଲୀ : ଚଳିତ ବର୍ଷ ସ୍ବାଧୀନତା ଦିବସ ଅବସରରେ କେନ୍ଦ୍ର ଗୃହ ମନ୍ତ୍ରାଳୟ ଦ୍ବାରା ପୁଲିସ ମେଡାଲ ଘୋଷଣା କରାଯାଇଛି। ପୁଲିସ ସେବା କ୍ଷେତ୍ରରେ ବିଶିଷ୍ଟ ସେବା ପାଇଁ ଦୁଇ ଜଣ ଓଡ଼ିଆ ପୁଲିସ ଅଫିସରଙ୍କୁ ରାଷ୍ଟ୍ରପତି ପୁରସ୍କାର ପ୍ରଦାନ କରାଯିବ। ଦୁଇ ଓଡ଼ିଆ ପୁଲିସ ଅଧିକାରୀମାନେ ହେଲେ ସିଆଇଡି-ସିବିରେ ଡିଏସ୍ପି ରୂପେ କାର୍ଯ୍ୟରତ ପ୍ରମୋଦ କୁମାର ରଥ ଓ ଭିଜିଲାନ୍ସ ନିର୍ଦ୍ଦେଶାଳୟରେ ଏଏସ୍ଆଇ ରୂପେ କାର୍ଯ୍ୟରତ ଶିବ ନାରାୟଣ ରଥ।
Sambad is now on WhatsApp
Join and get latest news updates delivered to you via WhatsApp
ଏତଦ୍ବ୍ୟତୀତ ଓଡ଼ିଶାର ୨୩ ଜଣ ପୁଲିସ ମେଡାଲ ଫର ଗାଲେଣ୍ଟ୍ରିରେ ସମ୍ମାନୀତ ହେବେ। ସେମାନେ ହେଲେ ଇନ୍ସପେକ୍ଟର ପ୍ରକାଶ କୁମାର କର୍ଣ୍ଣ, କନେଷ୍ଟବଳ ସୁଶୀଲ ଦାସ, କନେଷ୍ଟବଳ ଆକାଶ ମହାପାତ୍ର, କନେଷ୍ଟବଳ ଚନ୍ଦ୍ରମଣି ଭୋଇ, କନେଷ୍ଟବଳ ଶ୍ୟାମ ଧାଙ୍ଗେଡା ମାଝି, ଏସ୍ପି କେ ଶିବା ସୁବ୍ରମଣ୍ୟ, କନେଷ୍ଟବଳ ଦିଲ୍ଲୀପ କୁମାର ଦନ୍ତା, ଇନ୍ସପେକ୍ଟର ଜ୍ୟୋତିରଞ୍ଜନ ପତି, ଏସ୍ଆଇ ସଚ୍ଚିଦାନନ୍ଦ ବାରିହା, ସୁବେଦାର ଆଶିଷ କୁମାର ସରକାର, କନେଷ୍ଟବଳ ପ୍ରଶାନ୍ତ କୁମାର ବାରିକ୍, କନେଷ୍ଟବଳ ଭୁବନ ସେଲେମା, କନେଷ୍ଟବଳ ସତ୍ୟନାରାୟଣ କାନ୍ଧାର, ହାବିଲଦାର ପ୍ରମୋଦ ବାର୍ଲା, ହାବିଲଦାର ମିଥୁନ ପ୍ରଧାନ, ଏସ୍ ପି ଜଗମୋହନ ମୀନା, ହାବିଲଦାର ସନ୍ତୋଷ ଜୁଆଙ୍ଗ, ଲାନ୍ସ ନାଏକ ଶିବ ଶଙ୍କର ନାୟକ, ଲାନ୍ସ ନାଏକ ପବିତ୍ର ମୋହନ ନାୟକ, କନେଷ୍ଟବଳ ଚୈତନ୍ୟ କିରସାନୀ, କନେଷ୍ଟବଳ ଘିନୁ ହାନ୍ତାଳ, କନେଷ୍ଟବଳ ସୁଧାଂଶୁ ଭୂପତି ଓ କନେଷ୍ଟବଳ ରୁକଧର ନେଗୀ।
୧୧ ଜଣଙ୍କୁ ପୁଲିସ ମେଡାଲ ଫର ମେରିଟୋରିୟସ୍ ସର୍ଭିସ୍ ପାଇଁ ଚୟନ କରାଯାଇଛି। ସେମାନେ ହେଲେ ଆସିଷ୍ଟାଣ୍ଟ କମାଣ୍ଟାଣ୍ଟ୍ ଅଫ୍ ପୁୂଲିସ ସିକ୍ୟୁରିଟି ସୁଜିତ କୁମାର ଦଳାଇ, ଭାରପ୍ରାପ୍ତ ଆସିଷ୍ଟାଣ୍ଟ କମିସନର ଅଫ୍ ପୁଲିସ ମାନସ ରଞ୍ଜନ ଗଡ଼ନାୟକ, ଭାରପ୍ରାପ୍ତ ଡି ଏସ୍ ପି ଇତି ଦାସ, ଇନ୍ସପେକ୍ଟର ରଜନୀକାନ୍ତ ସାମଲ, ଇନ୍ସପେକ୍ଟର ଭରତ ଚରଣ ସାହୁ, ଇନ୍ସପେକ୍ଟର ସ୍ମିତାରାଣୀ ମହାନ୍ତି, ସବଇନସପେକ୍ଟର ନିରଞ୍ଜନ ତ୍ରିପାଠୀ, ସବଇନସପେକ୍ଟର ସନ୍ତୋଷ କୁମାର ବାହିନୀପତି, କନେଷ୍ଟବଳ ସନାତନ ସାହୁ, କନେଷ୍ଟବଳ ପ୍ରଶାନ୍ତ କୁମାର ସାହୁ ଓ କନେଷ୍ଟବଳ ଦୂର୍ଗା ପ୍ରସାଦ ହୋତା ।