ଶ୍ରୀନଗର: ଭାରତରେ କେମିତି ପାକିସ୍ତାନରୁ ଆସନ୍ତି ଆତଙ୍କବାଦୀ | ଏହାର ଏକ ଭିଡିଓ ଏବେ ସାମ୍ନାକୁ ଆସିଛି | ଅଗଷ୍ଟ ୨୫ରେ ଆତଙ୍କବାଦୀମାନେ ଭାରତରେ ପ୍ରବେଶ ପାଇଁ ଚେଷ୍ଟା କରୁଥିଲେ | ଆଉ ସେନାର ଗୁଳିମାଡରେ ଏମାନେ ନିହତ ମଧ୍ୟ ହୋଇଥିଲେ |ମିଳିଥିବା ତଥ୍ୟ ମୁତାବକ ଆତଙ୍କବାଦୀ ଭାରତରେ ପଶିପାରନ୍ତି ବୋଲି ଗୁଇନ୍ଦା ସୂଚନା ପାଇବା ପରେ ଯବାନମାନେ ନଜର ରଖିଥିଲେ | ଆଉ ଆତଙ୍କବାଦୀମାନେ ଗୁପ୍ତ ରାସ୍ତା ଦେଇ ଭାରତରେ ପଶୁଥିବାର ଦୃଶ୍ୟ ଇଲେକ୍ଟ୍ରୋନିକ୍ ସିସିଟିଭି ଗ୍ୟାଜେଟ୍ ଦ୍ୱାରା କଏଦ ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
#WATCH पाकिस्तानी आतंकवादी 25 अगस्त को उरी सेक्टर से भारत में घुसपैठ करने की कोशिश कर रहे थे। खुफिया जानकारी मिलने के बाद इलेक्ट्रॉनिक सर्विलांस गैजेट्स द्वारा आतंकवादियों का पता लगाया गया था। सेना के सतर्क जवानों ने 3 आतंकवादियों को मार गिराया: भारतीय सेना के अधिकारी pic.twitter.com/Hfszp9T3ia
— ANI_HindiNews (@AHindinews) August 26, 2022
ସୂଚନା ମୁତାବକ ଜମ୍ମୁକଶ୍ମୀରରେ ଅନୁପ୍ରବେଶକାରୀଙ୍କ ଆଉ ଏକ ଅନୁପ୍ରବେଶ ଉଦ୍ୟମକୁ ଗତକାଲି ଯବାନମାନେ ପଣ୍ଡ କରିଦେଇଥିଲେ | ଜମ୍ମୁକଶ୍ମୀରର ଉରି ସେକ୍ଟରରେ ଲାଇନ୍ ଅଫ୍ କଣ୍ଟ୍ରୋଲ୍ (LoC) ରେ ଅନୁପ୍ରବେଶ କରିବାକୁ ଉଦ୍ୟମ କରୁଥିବାବେଳେ ସୁରକ୍ଷାବାହିନୀଙ୍କ ଗୁଳିମାଡ଼ରେ ତିନିଜଣ ଆତଙ୍କବାଦୀ ନିହତ ହୋଇଥିଲେ |
ମିଳିଥିବା ସୂଚନା ମୁତାବକ ଉତ୍ତର କଶ୍ମୀରର ବାରାମୁଲ୍ଲା ଜିଲ୍ଲାର ଉରି ସେକ୍ଟରର କମଲକୋଟ ଅଞ୍ଚଳରେ ଥିବା ମାଡିଆନ୍ ନାନକ ପୋଷ୍ଟ ନିକଟରେ ଯବାନମାନେ ଏକ ଅନୁପ୍ରବେଶ ଉଦ୍ୟମକୁ ପଣ୍ଡ କରିଦେଇଥିଲେ | ଉରିର କମଲକୋଟ ସେକ୍ଟରର ମାଡିଆନ୍ ନାନକ ପୋଷ୍ଟ ନିକଟରେ ସେନା ଏବଂ ବାରାମୁଲ୍ଲା ପୁଲିସର ଗୁଳିମାଡରେ ତିନିଜଣ ଅନୁପ୍ରବେଶକାରୀଙ୍କର ମୃତ୍ୟୁ ହୋଇଥିଲା |