ଆଜି ଭାରତରେ ବାଣ ଫୁଟିଲେ ପାକିସ୍ତାନ କହୁଛି ଯେ…..
ଲଖନଉ: ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବେ ଧୂଆଁଧାର ପ୍ରଚାର ଅଭିଯାନ ଚଳାଇଛନ୍ତି | ଆଜି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଫିରୋଜାବାଦରେ ନିର୍ବାଚନ ସମାବେଶକୁ ସମ୍ବୋଧିତ କରି କହିଛନ୍ତି ଯେ ନୂତନ ଭାରତ କେବଳ ରାମ ମନ୍ଦିର ନିର୍ମାଣ କରେ ନାହିଁ ବରଂ ଆତଙ୍କବାଦୀଙ୍କ ରାମ ନାମକୁ ସତ୍ୟରେ ମଧ୍ୟ ପରିଣତ କରେ। ପାକିସ୍ତାନ ଏହା ଜାଣେ। ଯୋଗୀ ଆଦିତ୍ୟନାଥ କହିଛନ୍ତି ଯେ ଅଯୋଧ୍ୟା ଏବଂ ବାରାଣାସୀରେ ଆକ୍ରମଣ କରିଥିବା ଆତଙ୍କବାଦୀମାନଙ୍କ ବିରୋଧରେ ମାମଲା ପ୍ରତ୍ୟାହାର କରିବାକୁ ସମାଜବାଦୀ ପାର୍ଟି ଚେଷ୍ଟା କରିଥିଲା। ସମାଜବାଦୀ ପାର୍ଟି ବିକାଶ କାର୍ଯ୍ୟରେ ବାଧକ ସାଜୁଥିଲା ଓ ଏହି ଦଳରେ କେବଳ ଗୋଟିଏ ପରିବାର ଲୁଟ୍ କରୁଥିଲେ। ଯେତେବେଳେ କଂଗ୍ରେସ ସରକାରରେ ଥିଲା ସେତେବେଳେ ଆତଙ୍କବାଦୀ ବିସ୍ଫୋରଣ ଘଟୁଥିଲା।
Sambad is now on WhatsApp
Join and get latest news updates delivered to you via WhatsApp
ଯୋଗୀ କହିଛନ୍ତି ଯେ ଆଜି ଯଦି ଭାରତରେ କେଉଁଠି ବାଣ ଫୁଟୁଛି, ସେତେବେଳେ ପାକିସ୍ତାନ ନିଜ ଆଡୁ ସଫେଇ ଦେଇ କହୁଛି ଯେ ଏଥିରେ ଆମର କୌଣସି ସମ୍ପୃକ୍ତି ନାହିଁ। ପାକିସ୍ତାନ ଆଉ ଅନୁପ୍ରବେଶ କରୁନାହିଁ। ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ସମାଜବାଦୀ ପାର୍ଟି ଉପରେ ଟାର୍ଗେଟ କରି ଯୋଗୀ କହିଛନ୍ତି ଯେ ସମାଜବାଦୀ ପାର୍ଟି ଅଯଥାରେ ନିର୍ବାଚନ ଲଢ଼ୁଛି | ଏସପି ୬୩ଟି ଆସନରେ ନିର୍ବାଚନ ଲଢ଼ୁଛି, ଏହି ଦଳ କେନ୍ଦ୍ରରେ ସରକାର ଗଠନ କରିବାରେ ସମର୍ଥ ହେବ କି? ଅନୁପ୍ରବେଶକାରୀ, ରୋହିଙ୍ଗ୍ୟା ଏବଂ ବାଂଲାଦେଶୀମାନଙ୍କ ମଧ୍ୟରେ ଦେଶର ସମ୍ପତ୍ତି ବାଣ୍ଟିବାକୁ କଂଗ୍ରେସ ଚାହୁଁଛି। ଏହି ଲୋକମାନେ ଦେଶକୁ ତାଲିବାନ କରିବାକୁ ଚାହୁଁଛନ୍ତି। କଂଗ୍ରେସ ମଧ୍ୟ ଏହି ଦେଶର ସମସ୍ତ ଆସନରେ ନିର୍ବାଚନ ପ୍ରତିଦ୍ୱନ୍ଦ୍ୱିତା କରୁନାହିଁ। କଂଗ୍ରେସ ଉପରେ ଆକ୍ରମଣ କରି ଯୋଗୀ କହିଛନ୍ତି ଯେ କଂଗ୍ରେସର ଡିଏନ୍ଏ ଭାରତୀୟତାକୁ ପସନ୍ଦ କରେ ନାହିଁ।