ବେଆଇନ ପଥର ଖଣିରେ ଚଢ଼ଉ, ଜେସିବି ସହ ୨ ଗିରଫ
ଖୋର୍ଦ୍ଧା: ଖୋର୍ଦ୍ଧା ସଦର ଥାନା ପୁଲିସ ପକ୍ଷରୁ କାଇମାଟିଆ ଠାରେ ଥିବା ଏକ ବେଆଇନ ମାଙ୍କଡ଼ା ପଥର ଓ ମୋରମ ଖଣିରେ ଚଢ଼ଉ କରାଯାଇ ଗୋଟିଏ ଜେସିବି ସମେତ ୨ଜଣଙ୍କୁ ଗିରଫ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏନେଇ ସୂଚନା ଦେଇ ସଦର ଥାନା ଅଧିକାରୀ ଅନୀତା ସାହୁ କହିଛନ୍ତି ଯେ ଗତକାଲି ସଂଧ୍ୟାରେ ପୁଲିସ ସୂଚନା ପାଇଁ ଉକ୍ତ ସ୍ଥାନରେ ଚଢ଼ଉ କରିଥିଲା । ଏହି ସମୟରେ ପଥର ମାଫିଆ ପୁଲିସକୁ ଆକ୍ରମଣ କରି ଖସି ପଳାଇବାକୁ ଉଦ୍ୟମ କରିଥିଲେ । ତେବେ ପୁଲିସ ସେମାନଙ୍କ ମଧ୍ୟରୁ ଦୁଇଜଣଙ୍କୁ ଗିରଫ କରିଛି । ଖଣି ନିକଟରୁ ଦୁଇଟି ମୋଟର ସାଇକଲ, ଗୋଟିଏ ଜେସେବି (ଓଡି୩୩ଏଇ୬୪୫୧)କୁ ଜବତ କରାଯାଇଛି । ଏନେଇ ଆଇପିସି ଦଫା ୩୪୧, ୩୭୨, ୫୧୧, ୩୫୩, ୩୩୨, ୨୯୪, ୩୩୬, ୩୦୭, ୫୦୬, ୩୪ ଓ ଓଏମ୍ଏମ୍ସି ରୁଲ୍ ୫୧ରେ ୭୨/୨୦୨୨ରେ ଏକ ମାମଲା ରୁଜୁ କରାଯାଇ ବ୍ରଜମୋହନପୁରର ସର୍ବେଶ୍ୱର ସାମନ୍ତରାୟ (୨୫) ଓ ଗୋପିନାଥପୁରର ଅଶୋକ କୁମାର ନାୟକ (୨୪)ଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।