ରାଷ୍ଟ୍ରୀୟ ମଜଦୁର କ˚ଗ୍ରେସର ୨୬ତମ ରାଜ୍ୟ ସମ୍ମିଳନୀ : କଂଗ୍ରେସ ସରକାରକୁ ଆସିଲେ ସର୍ବନିମ୍ନ ରୋଜଗାର
ରାମଚନ୍ଦ୍ର ଖୁଣ୍ଟିଆ ହେଲେ ରାଷ୍ଟ୍ରୀୟ ମଜଦୁର କ˚ଗ୍ରେସର ରାଜ୍ୟ ସଭାପତି
ଭୁବନେଶ୍ବର : କେନ୍ଦ୍ର ଓ ରାଜ୍ୟରେ କଂଗ୍ରେସ କ୍ଷମତାକୁ ଆସିଲେ, ଶ୍ରମିକ ଓ କର୍ମଚାରୀମାନଙ୍କୁ ସର୍ବନିମ୍ନ ମଜୁରି ଓ ସାମାଜିକ ସୁରକ୍ଷା ପ୍ରଦାନ କରାଯିବ। ପ୍ରତି ପରିବାରକୁ ସର୍ବନିମ୍ନ ରୋଜଗାର ଗ୍ୟାରେଣ୍ଟି, ବେରୋଜଗାର ଯୁବକଙ୍କୁ ବେକାରି ଭତ୍ତା ଦିଆଯିବ। କ˚ଗ୍ରେସ ସବୁବେଳେ ଦେଶରେ ଶ୍ରମିକ ଓ ଯୁବକଙ୍କ ସ୍ବାର୍ଥରକ୍ଷା ଦିଗରେ କାମ କରି ଆସୁଛି। କିନ୍ତୁ କେନ୍ଦ୍ର ଓ ରାଜ୍ୟ ସରକାରଙ୍କ ଶ୍ରମିକ ଓ ଯୁବବିରୋଧୀ ନୀତି ଯୋଗୁଁ ସେମାନେ ଅବହେଳିତ ଅବସ୍ଥା ଦେଇ ଗତି କରୁଛନ୍ତି। ଆଜି ରାଷ୍ଟ୍ରୀୟ ମଜଦୁର କ˚ଗ୍ରେସର ୨୬ତମ ରାଜ୍ୟ ସମ୍ମିଳନୀରେ ପିସିସି ସଭାପତି ନିରଞ୍ଜନ ପଟ୍ଟନାୟକ ଏପରି ଉଦ୍ବୋଧନ ଦେଇ ମୋଦୀ ଓ ନବୀନ ସରକାରକୁ ଟାର୍ଗେଟ୍ କରିଛନ୍ତି। ସମ୍ମିଳନୀରେ ମୁଖ୍ୟବକ୍ତା ଭାବେ ବିରୋଧୀ ଦଳ ନେତା ନରସି˚ହ ମିଶ୍ର ଯୋଗଦେଇ କହିଲେ ଯେ ଶ୍ରମିକମାନଙ୍କ ଉପରେ ଦେଶର ଭବିଷ୍ୟତ ନିର୍ଭର କରୁଛି। ସେମାନଙ୍କ ବିକାଶ ପାଇଁ ସରକାର ଆଜି ପର୍ଯନ୍ତ ଚିନ୍ତା କରିନାହାନ୍ତି। କିନ୍ତୁ ଏବେ ସରକାରଙ୍କୁ ଦୃଢ଼ ଜବାବ ଦେବାର ସମୟ ଆସିଛି। ଏଥିପାଇଁ ଶ୍ରମିକ ସ˚ଗଠନ ଜାଗ୍ରତ ରହିବା ଆବଶ୍ୟକ ବୋଲି ଶ୍ରୀ ମିଶ୍ର କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଅବସରରେ କଂଗ୍ରେସର ବରିଷ୍ଠ ନେତା ରାମଚନ୍ଦ୍ର ଖୁଣ୍ଟିଆଙ୍କୁ ରାଷ୍ଟ୍ରୀୟ ମଜଦୁର କ˚ଗ୍ରେସର ରାଜ୍ୟ ସଭାପତି ଭାବେ ନିର୍ବାଚିତ କରାଯାଇଥିଲା। ସେ ୧୧ଥର ପାଇଁ ସଭାପତି ଭାବେ ନିର୍ବାଚିତ ହୋଇଛନ୍ତି। ରାଜ୍ୟ ସ˚ଗଠନର ଅନ୍ୟାନ୍ୟ କର୍ମକର୍ତା, ଜିଲ୍ଲା କମିଟି, ବ୍ଲକ କମିଟି ଗଠନ କରଯିବା ପାଇଁ ଶ୍ରୀ ଖୁଣ୍ଟିଆଙ୍କୁ କ୍ଷମତା ପ୍ରଦାନ କରାଯାଇଛି। ପ୍ରାରମ୍ଭରେ ସଂଗଠନର ଓଡ଼ିଶା ଶାଖା ସାଧାରଣ ସ˚ପାଦକ କିଶୋର ଜେନା ସ୍ବାଗତ ଭାଷଣ ଦେଇଥିଲା ବେଳେ ସାଧାରଣ ସ˚ପାଦକ ପ୍ରଶାନ୍ତି ବେହେରା ବିବରଣୀ ପାଠ କରିଥିଲେ। କୋଷାଧ୍ୟକ୍ଷ ଧରଣୀ ସ୍ବାଇଁ ଆୟବ୍ୟୟ ହିସାବ ଉପସ୍ଥାପନ କରିଥିଲେ। ଏହି ଅବସରରେ ମଦନ ମୋହନ ଧଳ ୩୦ଦଫା ସ˚କଳ୍ପ ପ୍ରସ୍ତାବ ଆଗତ କରିଥିଲେ।
ଅନ୍ୟମାନଙ୍କ ମଧ୍ୟରେ ସିଟୁର ସ˚ପାଦକ ବିଷ୍ଣୁ ମହାନ୍ତି, ଏଆଇଟିୟୁସି ସ˚ପାଦକ ସୌରୀବନ୍ଧୁ କର, ମହେନ୍ଦ୍ର ପରିଡ଼ା, ସୌଭାଗ୍ୟ ପ୍ରଧାନ, ଶ୍ୟାମସୁନ୍ଦର ମହାପାତ୍ର, ପ୍ରଣତି ମିଶ୍ର, ସତ୍ୟବ୍ରତ ନାୟକ, ଧରଣୀଧର ସ୍ବାଇଁ, ଅକ୍ଷୟ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ।