ହାତୀ ଘଉଡ଼ାଇବାକୁ ଯାଇ ୩ ବନ କର୍ମଚାରୀ ଗୁରୁତର
ବାରିପଦା: ହାତୀ ଉପଦ୍ରବ ରୋକିବାକୁ ଯାଇ ୩ ବନ କର୍ମଚାରୀ ଗୁରୁତର ହୋଇଥିବାର ଖବର ମିଳିଛି। ସୂଚନା ଅନୁଯାୟୀ, ମୟୂରଭଞ୍ଜ ଜିଲ୍ଲାର ବେତନଟୀ ରେଞ୍ଜ ଅଞ୍ଚଳରେ ହାତୀମାନଙ୍କ ଉପଦ୍ରବ ଲାଗି ରହିଛି। ହାତୀମାନଙ୍କୁ ଘଉଡ଼ାଇବା ଲାଗି ୩ ଜଣ ବନ ବିଭାଗ କର୍ମଚାରୀ ଏକ ଜିପରେ ଯାଇଥିଲେ। ହେଲେ ତୁଙ୍ଗାଧୁଆ-ଭଣ୍ଡାରିକୁଳା ରାସ୍ତାରେ ହାତୀମାନେ ସେହି ଗାଡ଼ିପାଖକୁ ଆସୁଥିବା ଦେଖି ଭୟଭୀତ ହୋଇଥିଲେ ବନ ବିଭାଗ କର୍ମଚାରୀ। ଏହାପରେ ଗାଡ଼ିକୁ ପଛକୁ ଆଣି ଫେରି ଆସୁଥିବା ବେଳେ ଗାଡ଼ିଟି ଓଲଟିପଡ଼ିଥିଲା।
Sambad is now on WhatsApp
Join and get latest news updates delivered to you via WhatsApp
ଏହା ଫଳରେ ବେତନଟୀ ରେଞ୍ଜ କୃଷ୍ଣଚନ୍ଦ୍ରପୁର ବନରକ୍ଷୀ ରାଇଧନ ସିଂ ଓ ଉଦଳା ରେଞ୍ଜର ଦୁଇ କର୍ମଚାରୀ ଗୁରୁତର ଆହତ ହୋଇଥିଲେ। ତିନିଜଣଙ୍କୁ ଚିକିତ୍ସା ପାଇଁ ବାରିପଦାର ପିଆରଏମ୍ ମେଡିକାଲରେ ଭର୍ତ୍ତି କରାଯାଇଛି।