ତେଲକୋଇ: କେନ୍ଦୁଝର ବନଖଣ୍ଡ ତେଲକୋଇ ରେଞ୍ଜ ଦୋବଲାପାଳ ପିଆର୍ଏଫ୍ରୁ ଜଣେ ଶିକାରୀକୁ ବନ ବିଭାଗ ଗିରଫ କରିଛି। ଅଭିଯୁକ୍ତ ହେଲା ତେଲକୋଇ ଥାନା ଦେଉଳଡିହା ପଞ୍ଚାୟତ ଅନ୍ତର୍ଗତ କାଦପଡ଼ା ଗ୍ରାମର ତ୍ରିଲୋଚନ ନାୟକଙ୍କ ପୁଅ ନିରଞ୍ଜନ ନାୟକ (୩୭)।
Sambad is now on WhatsApp
Join and get latest news updates delivered to you via WhatsApp
ଗୁରୁବାର ରାତିରେ ତେଲକୋଇ ଫରେଷ୍ଟର ମଳୟ କୁମାର ଜେନାଙ୍କ ନେତୃତ୍ବରେ ବନ ବିଭାଗର ଏକ ଟିମ୍ ପାଟ୍ରୋଲିଂ କରୁଥିଲେ। ଦୋବଲାପାଳ ଗାଁ ମୁଣ୍ଡ ଜଙ୍ଗଲରେ ବନ୍ୟପ୍ରାଣୀ ଶିକାର ଉଦ୍ଦେଶ୍ୟରେ ନିରଞ୍ଜନ ଓ ତା’ର ସହଯୋଗୀ ଛକି ବସିଥିଲେ। ବନ ବିଭାଗ କର୍ମଚାରୀ ନିରଞ୍ଜନକୁ କାବୁ କରିଥିଲେ। ସହଯୋଗୀମାନେ ଦୌଡ଼ି ପଳାଇଥିଲେ। ତା ନିକଟରୁ ଗୋଟିଏ ଗୁଳି ଭର୍ତ୍ତି ଦେଶୀ ବନ୍ଧୁକ ଓ ଏକ ଟାଙ୍ଗିଆ ଜବତ କରାଯାଇଛି। ଅଖଣ୍ଡ ଶିକାର ପାଇଁ ଶିକାରୀମାନେ ବିଭିନ୍ନ ଜଙ୍ଗଲରେ ଘୂରି ବୁଲୁଛନ୍ତି। ତଦନ୍ତ ଜାରି ରହିଥିବା ରେଞ୍ଜର ଶିବାଜୀ ମୋହନ ରାଓ ସୂଚନା ଦେଇଛନ୍ତି।