ସନ୍ନି ଦେଓଲଙ୍କ ଉଦ୍ୟମ ପାଇଁ ଭାରତ ଫେରିଲେ କୁଏତ୍ରେ ଫସିଥିବା ମହିଳା
ନୂଆଦିଲ୍ଲୀ : ଗୁରୁଦାସପୁରରୁ ବିଜେପି ସାଂସଦ ଥିବା ଅଭିନେତା ସନ୍ନି ଦେଓଲଙ୍କୁ ନେଇ ଏବେ ପୁଣି ଚର୍ଚ୍ଚା ଆରମ୍ଭ ହୋଇଛି । ପୂର୍ବରୁ ସେ ସାଂସଦ ହେବା ପରେ ଲୋକଙ୍କ ପାଇଁ କିଛି କରୁ ନଥିବାରୁ ଲୋକେ ତାଙ୍କୁ ନିନ୍ଦା କରୁଥିଲେ । କିନ୍ତୁ ଏବେ ସେ କରିଥିବା କାମ ପାଇଁ ଲୋକେ ତାଙ୍କୁ ପ୍ରଶଂସା କରିବା ଆରମ୍ଭ କରିଛନ୍ତି । ଜଣେ ଭାରତୀୟ ମହିଳା କୁଏତ୍ରେ ଫସିଥିବା ଜାଣି ସେ ତାଙ୍କୁ ସାହାଯ୍ୟ କରିବା ସହ ଭାରତ ଫେରାଇ ଆଣିଥିବା ଜଣା ପଡ଼ିଛି । ସନ୍ନିଙ୍କ ଏଭଳି କାମ ତାଙ୍କ ବାପା ଧର୍ମେନ୍ଦ୍ରଙ୍କୁ ମଧ୍ୟ ପ୍ରଶଂସା ମିଳିଛି।
Sambad is now on WhatsApp
Join and get latest news updates delivered to you via WhatsApp
नौकरी समझ कर फ़र्ज़ निभाना, सनी बेटे .God bless you ? pic.twitter.com/axIJbuW7lQ
— Dharmendra Deol (@aapkadharam) July 25, 2019
ସୂଚନା ମୁତାବକ, ଜଲନ୍ଧରର ଭିଖୋଓ୍ଵିଣ୍ଡ ଗାଁରେ ରହୁଥିବା ବୀଣା କୌଣସି କାମ ପାଇଁ କୁଏତ୍ ଯାଇଥିବା ବେଳେ ସେଠାରେ ଫସି ଯାଇଥିଲେ । ଭାରତ ଆସିବାକୁ ଚାହିଁ ମଧ୍ୟ ସେ ଆସି ପାରୁନଥିଲେ । ବୀଣାଙ୍କ ପରିବାର ଲୋକେ ଏନେଇ ସନ୍ନିଙ୍କୁ ଜଣାଇବା ସହ ତାଙ୍କୁ ସାହାଯ୍ୟ ମାଗିଥିଲେ । ଏହା ପରେ ସନ୍ନି କୁଏତ୍ରେ ଥିବା ଭାରତୀୟ ଦୂତାବାସ୍କୁ ସଂପର୍କ କରିଥିଲେ । ଯାହା ପରେ ବୀଣାଙ୍କୁ କୁଏତ୍ରୁ ଖୋଜା ଯାଇ ଭାରତ ପଠା ଯାଇଥିଲା । ଗୁରୁବାର ବୀଣା ସୁରକ୍ଷିତ ଭାବେ ନିଜ ଘରକୁ ଫେରିଥିବା ଜଣା ପଡ଼ିଛି । ଏହି ଖବର ପ୍ରସାର ହେବା ପରେ ସମସ୍ତେ ଏବେ ସନ୍ନିଙ୍କୁ ପ୍ରଶଂସା କରିବାରେ ଲାଗି ପଡ଼ିଛନ୍ତି ।