ନିଜ ପ୍ରେମିକାଙ୍କୁ ନଭେମ୍ବର ମାସରେ ବିବାହ କରିବେ ‘ଲକ୍ ଅପ୍’ ଫେମ୍ ଶିବମ ଶର୍ମା
ମୁମ୍ବାଇ: ଅଭିନେତ୍ରୀ କଙ୍ଗନା ରାଣାୱତଙ୍କ ରିଆଲିଟି ସୋ ‘ଲକ୍ ଅପ୍’ରେ ଦେଖାଯାଇଥିବା ଶିବମ ଶର୍ମାଙ୍କୁ ମନେ ରଖିଛନ୍ତି ତ? ସେହି ଶିବମଙ୍କ ବିଷୟରେ ଆମେ କହୁଛି, ଯିଏକି କଙ୍ଗନାଙ୍କ ସମ୍ମୁଖରେ ଗଭୀର ରହସ୍ୟ ପ୍ରକାଶ କରିଥିଲେ। ଏପରିକି ସେ କହିଥିଲେ କି ସେ ନିଜ ମାଆଙ୍କ ବାନ୍ଧବୀଙ୍କ ସହ ଶାରୀରିକ ସଂପର୍କ ରଖିଥିଲେ।
Sambad is now on WhatsApp
Join and get latest news updates delivered to you via WhatsApp
ସେହି ଶିବମ ଶର୍ମା ଏବେ ବିବାହ କରିବାକୁ ଯାଉଛନ୍ତି। ନଭେମ୍ବର ୭ରେ ଶିବମ ଶର୍ମା ତାଙ୍କ ପ୍ରେମିକାଙ୍କୁ ବିବାହ କରିବେ ବୋଲି ସୂଚନା ରହିଛି। ସେ ନିଜ ବିବାହକୁ ନେଇ ଖୁବ୍ ଖୁସି। ଶିବମ୍ ଶର୍ମା କହିଛନ୍ତି ଯେ ବିବାହ ପ୍ରସ୍ତୁତି ଆରମ୍ଭ ହୋଇଛି ଏବଂ ଏହା ସମ୍ପୂର୍ଣ୍ଣ ମଜାଦାର ପଞ୍ଜାବୀ ବିବାହ ହେବ।
ଶିବମ ଶର୍ମା କହିଛନ୍ତି ଯେ ତାଙ୍କ ବିବାହ କାର୍ଯ୍ୟ ଦୁଇ ଦିନ ଧରି ଚାଲିବ, ଯେଉଁଥିରେ ବହୁତ ମଜା ହେବ। ତାଙ୍କ ଭଉଣୀ ବିବାହ ଉତ୍ସବରେ ଯୋଗ ଦେବା ପାଇଁ ଦୁବାଇରୁ ଆସୁଛନ୍ତି।
ଶିବମ କହିଛନ୍ତି ଯେ ସେ ବିବାହ ପୂର୍ବରୁ ଏକ ଫଟୋସୁଟ ମଧ୍ୟ କରିବେ। ସେମାନଙ୍କର ବିବାହ ସଂପୂର୍ଣ୍ଣ ରୀତିନୀତିରେ ହେବ। ହଳଦୀ ଏବଂ ମେହେନ୍ଦୀଠାରୁ ଆରମ୍ଭ କରି ସମସ୍ତ ଉତ୍ସବ ତାଙ୍କ ବିବାହରେ ହେବ।
ଶିବମ ଶର୍ମା ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ବାହାଘରରେ ଅନୁପ୍ରାଣିତ ହୋଇ ନିଜ ବିବାହ ସେପରି କରିବାକୁ ଚାହାନ୍ତି। ଶିବମ ଶର୍ମାଙ୍କ ପ୍ରେମିକାଙ୍କ ନାମ ସମାୟରା ଠାକୁର୍। ସେ ଦିଲ୍ଲୀର ବାସିନ୍ଦା।