‘ବେଟି ବାଚାଓ, ବେଟି ପଢ଼ାଓ’ ସ୍ଲୋଗାନ କୁଆଡେ ଗଲା? ବିଲକିସ୍ ଆପଣଙ୍କ ଝିଅ ନଥିଲେ କି? ପ୍ରଧାନମନ୍ତ୍ରୀଙ୍କୁ ଓୱେସୀଙ୍କ ପ୍ରଶ୍ନ
ନୂଆଦିଲ୍ଲୀ: ଏଆଇଏମ୍ଆଇଏମ୍ ମୁଖ୍ୟ ତଥା ହାଇଦ୍ରାବାଦ ସାଂସଦ ଅସଦୁଦ୍ଦିନ ଓୱେସୀ ବିଲକିସ୍ ବାନୋ ମାମଲାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବିଜେପି ସରକାରଙ୍କୁ ଟାର୍ଗେଟ କରିଛନ୍ତି। କିଛି ଦିନ ତଳେ ବିଲକିସଙ୍କ ଦୁଷ୍କର୍ମକାରୀଙ୍କୁ ଜାମିନ ମିଳିଥିବା ବେଳେ ଏହାକୁ ନେଇ ଓୱେସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ପ୍ରଶ୍ନ କରିଛନ୍ତି। ସେ ପଚାରିଛନ୍ତି ଯେ, ବିଲକିସ୍ କ’ଣ ଆପଣଙ୍କ ଝିଅ ନୁହଁନ୍ତି କି? ଏହା ସହ ଓୱେସୀ ପ୍ରଧାନମନ୍ତ୍ରୀ ମୋଦୀଙ୍କୁ ‘ବେଟି ବାଚାଓ, ବେଟି ପଢ଼ାଓ’ ସ୍ଲୋଗାନକୁ ନେଇ ମଧ୍ୟ ପ୍ରଶ୍ନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଓୱେସୀ ଏକ ସମାବେଶକୁ ସମ୍ବୋଧିତ କରି କହିଛନ୍ତି ଯେ, ମହିଳାମାନଙ୍କ ସହ ଦୁଷ୍କର୍ମ କରୁଥିବା କୁକୁରମାନଙ୍କୁ ବିଜେପି ସରକାର ସହଜରେ ଛାଡ଼ି ଦେଉଛନ୍ତି। ବିଜେପିର ମାନବିକତା କୁଆଡେ ଗଲା? ପ୍ରଧାନମନ୍ତ୍ରୀ ମୋଦୀଙ୍କ ‘ବେଟି ବାଚାଓ, ବେଟି ପଢ଼ାଓ’ ସ୍ଲୋଗାନ କୁଆଡେ ଗଲା?
.@BJP4India सरकार ऐसे कुत्तों को छोड़ देती है जो ख़वातीन का बलात्कार करते हैं। कहां गई BJP की इंसानियत? कहां गया प्रधानमंत्री @narendramodi का ‘बेटी बचाओं, बेटी पढ़ाओ’ के नारे ? #BilkisBanohttps://t.co/ICNKS8UYMP
— Asaduddin Owaisi (@asadowaisi) September 11, 2022
ଓୱେସୀ କହିଛନ୍ତି ଯେ ଗର୍ଭବତୀ ଥିବା ବିଲକିସ୍ ବାନୋ ଏବଂ ତାଙ୍କ ମା’ ଓ ଅନ୍ୟ ମହିଳାଙ୍କ ସହ ଦୁଷ୍କର୍ମ କରିଥିବା ଦୋଷୀଙ୍କ ଦଣ୍ଡକୁ କ୍ଷମା କରି ପ୍ରଧାନମନ୍ତ୍ରୀ ମୋଦୀଙ୍କ ସ୍ଲୋଗାନକୁ ଭିତ୍ତିହୀନ ବୋଲି ଗୁଜରାଟରେ ବିଜେପି ସରକାର ପ୍ରମାଣ କରିଛନ୍ତି। ୨୦୦୨ରେ ବିଲକିସ୍ ବାନୋଙ୍କ ସହ ହୋଇଥିବା ଦୁଷ୍କର୍ମ ମାମଲାରେ ଗୁଜରାଟ ସରକାର ଗତ ମାସରେ ୧୧ଜଣ ଦୋଷୀଙ୍କ ଦଣ୍ଡକୁ କ୍ଷମା କରି ସେମାନଙ୍କୁ ଜେଲରୁ ମୁକୁଳାଇଥିଲେ। ସରକାରଙ୍କ ଏହି ନିଷ୍ପତ୍ତିକୁ ନେଇ ବିରୋଧୀ ବିଜେପିକୁ ଟାର୍ଗେଟ କରୁଥିବା ବେଳେ ଏବେ ମୁହଁ ଖୋଲିଛନ୍ତି ଓୱେସୀ।