ରାଜସ୍ଥାନ : ରାସାୟନିକ କାରଖାନାରେ ବିସ୍ଫୋରଣ, ୫ ଶ୍ରମିକ ଜୀବନ୍ତ ଦଗ୍ଧ
ଜୟପୁର: ରାଜସ୍ଥାନର ଜୟପୁର ଜିଲ୍ଲାରେ ଥିବା ଏକ ରାସାୟନିକ କାରଖାନାରେ ଭୟାବହ ଅଗ୍ନିକାଣ୍ଡ ଘଟି ୫ ଜଣଙ୍କର ମୃତ୍ୟୁ ଘଟିଛି। ଅଗ୍ନିକାଣ୍ଡ ଖବର ପାଇବା ପରେ ଘଟଣାସ୍ଥଳକୁ ଦମକଳ ବାହିନୀ ପଠାଯାଇଛି। ଏହି ଘଟଣାରେ ଆଉ କିଛି ଲୋକ ଗୁରୁତର ଥିବା ଖବର ମଧ୍ୟ ଏଠାରେ ସାମ୍ନାକୁ ଆସିଛି । ସମସ୍ତ ଆହତଙ୍କୁ ଆମ୍ବୁଲାନ୍ସ ସହାୟତାରେ ଡାକ୍ତରଖାନା ପଠାଯାଉଛି। ଯେଉଁଠାରେ ସେମାନଙ୍କ ଚିକିତ୍ସା ବ୍ୟବସ୍ଥା କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଏହି ପୂରା ଘଟଣା ବାଶି ଥାନା ଅନ୍ତର୍ଗତ ବୈନାଡ଼ାଅଞ୍ଚଳର। ଏଠାରେ ଥିବା ଏକ ରାସାୟନିକ କାରଖାନାରେ ସନ୍ଧ୍ୟା ପ୍ରାୟ ସାଢ଼େ ୬ଟା ବେଳେ ଏକ ବଡ଼ ଧରଣର ବିସ୍ଫୋରଣର ଶବ୍ଦ ଶୁଣିବାକୁ ମିଳିଥିଲା। ଏହି ଘଟଣା ଘଟିବା ପରେ କାରଖାନା ଭିତରୁ ପ୍ରବଳ ନିଆଁ ବାହାରୁଥିଲା। ଏଠାରେ କାମ କରୁଥିବା ଲୋକମାନେ ନିଜ ଜୀବନ ବଞ୍ଚାଇବାପାଇଁ ବାହାରକୁ ଦୌଡ଼ି ଆସିଥିଲେ। ପୂରା ଘଟଣାର ସୂଚନା ତୁରନ୍ତ ପୁଲିସ ଓ ଅଗ୍ନିଶମ ବିଭାଗକୁ ଦିଆଯାଇଥିଲା। ଏହାପରେ ଦମକଳ ବାହିନୀର ଏକାଧିକ ଗାଡ଼ି ଘଟଣାସ୍ଥଳରେ ପହଞ୍ଚିଛନ୍ତି।
କୁହାଯାଉଛି କାରଖାନା ଭିତରେ ବଏଲର ବିସ୍ଫୋରଣ ଯୋଗୁଁ ଭୟଙ୍କର ବିସ୍ଫୋରଣ ଘଟିଛି ଏବଂ ଏଥିରେ ଭୟଙ୍କର ଅଗ୍ନିକାଣ୍ଡ ଘଟିଛି । ବିସ୍ଫୋରଣ ଓ ଅଗ୍ନିକାଣ୍ଡ ଯୋଗୁଁ କାରଖାନାରେ କାମ କରୁଥିବା ୫ ଜଣ ଶ୍ରମିକଙ୍କ ଦୁଃଖଦ ମୃତ୍ୟୁ ଘଟିଛି। ସେହିପରି ୪ ଜଣ ଶ୍ରମିକଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ନିଆଯାଇଛି। ବର୍ତ୍ତମାନ ଗୁରୁତର ଆହତ ଶ୍ରମିକମାନଙ୍କୁ ଏସଏମଏସ ହସ୍ପିଟାଲକୁ ସ୍ଥାନାନ୍ତର କରାଯାଇଛି ଯେଉଁଠାରେ ସେମାନେ ଚିକିତ୍ସିତ ହେଉଛନ୍ତି ।