ଚେନ୍ନାଇ : ତାମିଲନାଡୁରେ କ୍ଷମତା ପରିବର୍ତ୍ତନ ହେବାର ସମ୍ଭାବନା ରହିଛି । କ୍ଷମତାସୀନ ଏଆଇଡିଏମକେ କ୍ଷମତାଚ୍ୟୁତ ହେବାର ସମ୍ଭାବନା ଥିବାବେଳେ ଡିଏମକେ କ୍ଷମତା ହାସଲ କରିବାର ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ଆଜି ବିଭିନ୍ନ ସଂସ୍ଥା ପକ୍ଷରୁ ପ୍ରକାଶିତ ବୁଥବାହୁଡ଼ା ମତ ବା ଏକଜିଟ ପୋଲ ରିପୋର୍ଟରେ ଡିଏମକେ କ୍ଷମତା ଦୌଡ଼ରେ ଆଗୁଆ ଥିବା କୁହାଯାଇଛି । ରିପବ୍ଲିକ-ସିଏନଏକ୍ସ ରିପୋର୍ଟ ଅନୁସାରେ ଡିଏମକେ ୧୬୦-୧୭୦ଟି ଆସନ ଜିତିବ । ସେହିପରି ଏଆଇଡିଏମକେ ୫୮-୬୮ଟି ଆସନ ଜିତିବ ଓ ଅନ୍ୟମାନେ ୪-୬ଟି ଆସନ ଜିତିବେ । ଟୁଡେଜ୍-ଚାଣକ୍ୟର ଏକଜିଟ ପୋଲ ଅନୁସାରେ ଡିଏମକେ ୧୬୪-୧୮୬ଟି ଆସନ ଜିତିବ । ସେହିପରି ଏଆଇଡିଏମକେ ୪୬-୬୮ଟି ଆସନ ଜିତିବ ଓ ଅନ୍ୟମାନେ ୦-୮ଟି ଆସନ ଜିତିବେ ।
ଅନ୍ୟପକ୍ଷରେ କେନ୍ଦ୍ର ଶାସିତ ଅଞ୍ଚଳ ପୁଡୁଚେରୀରେ ବିଜେପି କ୍ଷମତା ହାସଲ କରିବାର ସମ୍ଭାବନା ରହିଛି । ରିପବ୍ଲିକ-ସିଏନଏକ୍ସର ଏକଜିଟ ପୋଲ ଅନୁସାରେ ବିଜେପି ୧୬-୨୦ଟି ଆସନ ଓ କଂଗ୍ରେସ ୧୧-୧୩ଟି ଆସନ ଜିତିବ ।