ସରକାର କାଶ୍ମୀରରେ ଏକ ଦୁଃସାହସ କରିବାକୁ ଯାଉଛନ୍ତି : ଚିଦାମ୍ବରମ
ଶ୍ରୀନଗର : କାଶ୍ମୀର ସ୍ଥିତିକୁ ନେଇ କଂଗ୍ରେସ ସରକାରଙ୍କୁ ଟାର୍ଗେଟ କରିଛି । ସରକାର କାଶ୍ମୀରରେ ଏକ ଦୁଃସାହାସ କରିବାକୁ ଯାଉଛନ୍ତି ବୋଲି କଂଗ୍ରେସ ନେତା ପି.ଚିଦାମ୍ବରମ କହିଛନ୍ତି । ସେହିପରି କଂଗ୍ରେସ ନେତା ଗୁଲମ ନବି ଆଜାଦ କହିଛନ୍ତି ଯେ କାଶ୍ମୀରରେ ଯେତେବେଳେ ଆତଙ୍କବାଦ ଚରମ ସୀମାରେ ଥିଲା ସେତେବେଳେ ମଧ୍ୟ ଅମରନାଥ ଯାତ୍ରା ବନ୍ଦ ହୋଇନଥିଲା ।
Sambad is now on WhatsApp
Join and get latest news updates delivered to you via WhatsApp
କାଶ୍ମୀରକୁ ନେଇ ଚିନ୍ତା ବଢିଚାଲିଥିବାବେଳେ ବିଦେଶୀ ରାଷ୍ଟ୍ରମାନେ ନିଜ ନିଜ ନାଗରିକମାନଙ୍କୁ ଯଥାଶୀଘ୍ର କାଶ୍ମୀର ଉପତ୍ୟାକା ଛାଡିବାକୁ ନିର୍ଦ୍ଦେଶ ଦେଇଛନ୍ତି । ବ୍ରିଟେନ, ଫ୍ରାନ୍ସ, ଜର୍ମାନୀ ଅଷ୍ଟ୍ରେଲିଆ ଆଦି ଦେଶ ନିଜ ର ନାଗରିକମାନଙ୍କୁ କାଶ୍ମୀର ନ ଯିବାକୁ କିମ୍ବା ସେଠାରେ ଥିଲେ ଯଥାଶୀଘ୍ର ଫେରିଆସିବାକୁ ପରାମର୍ଶ ଜାରି କରିଛନ୍ତି ।
ଅନ୍ୟପକ୍ଷରେ ଅମରନାଥ ଯାତ୍ରା ବାତିଲ ହେବା ପରେ ଏୟାରପୋର୍ଟ ଓ ରେଳ ଷ୍ଟେସନରେ ରହିଥିବା ଯାତ୍ରୀମାନଙ୍କୁ ଦିଲ୍ଲୀ, ଜାମ୍ମୁ କିମ୍ବା ଚଣ୍ଡିଗଡ଼ ରେ ପହଞ୍ଚାଇବାକୁ ଭାରତୀୟ ବାୟୁସେନାର ସି-୧୭ ବ୍ୟବହାର ହେବ । ଏହି ପରିବହନ ବିମାନ ପ୍ରଦାନ ପାଇଁ ରାଜ୍ୟ ସରକାର ବାୟୁସେନାକୁ ନିବେଦନ କରିଥିଲେ ।