ଇଂଲଣ୍ଡ ଓ ଜର୍ମାନ ନିଜ ନାଗରିକମାନଙ୍କୁ ଜମ୍ମୁ-କଶ୍ମୀର ଯିବାକୁ ବାରଣ କଲେ
ଶ୍ରୀନଗର: ପର୍ଯ୍ୟଟକମାନଙ୍କୁ ସରକାର ଜମ୍ମୁ-କଶ୍ମୀର ଛାଡ଼ିବା ପାଇଁ ନିର୍ଦ୍ଦେଶ ଦେବା ପରେ ଇଂଲଣ୍ଡ ଓ ଜର୍ମାନ ଦେଶର ଦୂତାବାସ ପକ୍ଷରୁ ସେମାନଙ୍କ ନାଗରିକମାନଙ୍କ ସକାଶେ ପରାମର୍ଶ ପତ୍ର ଜାରି କରାଯାଇଛି। ଜମ୍ମୁ-କଶ୍ମୀର ନଯିବା ପାଇଁ ଏହି ପରାମର୍ଶ ପତ୍ରରେ କୁହାଯାଇଛି।
Sambad is now on WhatsApp
Join and get latest news updates delivered to you via WhatsApp
ଇଂଲଣ୍ଡ ପକ୍ଷରୁ ଜାରି ହୋଇଥିବା ପରାମର୍ଶ ପତ୍ରରେ ସ୍ପଷ୍ଟ ଭାବେ ସୀମାନ୍ତ ସହର ଜମ୍ମୁ, ଲଦାଖ, ପହଲଗାମ, ଗୁଲମାର୍ଗ ଓ ସୋନମାର୍ଗ ଆଦିକୁ ଯିବା ପାଇଁ ମନା କରାଯାଇଛି।
ଜମ୍ମୁ-କଶ୍ମୀରରେ ପର୍ଯ୍ୟଟକମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ଭାରତ ସରକାର ୩୫ ହଜାର ଅତିରିକ୍ତ ସୁରକ୍ଷାକର୍ମୀ ନିୟୋଜିତ କରିବା ପରେ ବ୍ରିଟିଶ ହାଇ କମିସନ୍ ଓ ଜର୍ମାନ ହାଇ କମିସନ୍ଙ୍କ ପକ୍ଷରୁ ଏହି ପରାମର୍ଶ ପତ୍ର ଜାରି କରିଛନ୍ତି।
ଅମରନାଥ ତୀର୍ଥଯାତ୍ରୀଙ୍କ ଉପରେ ଆତଙ୍କବାଦୀ ଆକ୍ରମଣର ଆଶଙ୍କା କରାଯିବା ପରେ ସରକାର ଯାତ୍ରୀମାନଙ୍କୁ ଜମ୍ମୁ-କଶ୍ମୀର ଛାଡ଼ିବାକୁ ନିର୍ଦ୍ଦେଶ ଦେଇଛନ୍ତି। ସରକାରଙ୍କର ଏହି ନିର୍ଦ୍ଦେଶ ପରେ ଇଂଲଣ୍ଡ ଓ ଜର୍ମାନ ପରି ଅନ୍ୟ କେତେକ ଦେଶଗୁଡ଼ିକ ମଧ୍ୟ ସେମାନଙ୍କ ନାଗରିକମାନଙ୍କ ପାଇଁ ପରାମର୍ଶ ପତ୍ର ଜାରି କରି ଜମ୍ମୁ-କଶ୍ମୀର ଯିବାକୁ ବାରଣ କରିଛନ୍ତି।