ସରକାର ଗଢିବା ସହଜ କିନ୍ତୁ ଦେଶ ନିର୍ମାଣ ସହଜ ନୁହେଁ: ମୋଦୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଦିନ ବିରୋଧୀ ଦଳଙ୍କୁ କଟାକ୍ଷ କରି କହିଛନ୍ତି ଯେ ଯେଉଁମାନଙ୍କର ଦେଶ ପ୍ରତି ଧ୍ୟାନ ନଥାଏ, ସେମାନଙ୍କୁ ଦେଶର ବର୍ତ୍ତମାନର ଅବସ୍ଥା ଭଲ ହେଉ କି ଖରାପ ହେଉ ତାହା ଫରକ ପଡ଼ିନଥାଏ | ‘ହର ଘର ଜଲ’ କାର୍ଯ୍ୟକ୍ରମକୁ ସମ୍ବୋଧିତ କରି ନରେନ୍ଦ୍ର ମୋଦୀ କହିଛନ୍ତି ଯେ ଯେଉଁମାନେ ଦେଶ ପ୍ରତି ଧ୍ୟାନ ଦିଅନ୍ତି ନାହିଁ, ସେମାନଙ୍କୁ ଦେଶର ବର୍ତ୍ତମାନର ଅବସ୍ଥା ଭଲ ହେଉ କି ଖରାପ ହେଉ ତାହା ଫରକ ପଡ଼ିନଥାଏ। ଏପରି ଲୋକମାନେ ପାଣିକୁ ନେଇ ବଡ ବଡ କଥା କହିପାରିବେ କିନ୍ତୁ ଏହା ପାଇଁ କାମ କରିବେ ନାହିଁ | ସ୍ୱାଧୀନତାର ଅମୃତ ସମୟରେ ଭାରତର ପ୍ରଗତି ସାମ୍ନାରେ ଜଳ ସୁରକ୍ଷା ଏକ ଚ୍ୟାଲେଞ୍ଜ ହେବା ଉଚିତ ନୁହେଁ।
Sambad is now on WhatsApp
Join and get latest news updates delivered to you via WhatsApp
ଏଥିପାଇଁ ଗତ ୮ ବର୍ଷ ଧରି ଜଳ ସୁରକ୍ଷା ଉପରେ ବିଶେଷ ଧ୍ୟାନ ଦିଆଯାଇଛି। ସେ କହିଛନ୍ତି ଯେ ସରକାର ଗଠନ କରିବା ସହଜ, କିନ୍ତୁ ବିଜେପି ରାଷ୍ଟ୍ର ନିର୍ମାଣର ରାସ୍ତା ବାଛିଛି। ପ୍ରଧାନମନ୍ତ୍ରୀ କହିଛନ୍ତି, ‘ସରକାର ଗଠନ ପାଇଁ ଅଧିକ ପରିଶ୍ରମ କରିବାକୁ ପଡ଼ିବ ନାହିଁ | କିନ୍ତୁ ଦେଶ ଗଠନ ପାଇଁ କଠିନ ପରିଶ୍ରମ କରିବା ଆବଶ୍ୟକ | ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ କାର୍ଯ୍ୟକ୍ରମରେ କହିଛନ୍ତି ଯେ ବିଜେପି ରାଷ୍ଟ୍ର ନିର୍ମାଣର ରାସ୍ତା ବାଛିଛି। ଆମେ ଦେଶର ସମସ୍ୟାର ସମାଧାନ ତଥା ଭବିଷ୍ୟତକୁ ଉନ୍ନତ କରିବାକୁ ନିରନ୍ତର ଚେଷ୍ଟା କରୁଛୁ।
ସେ ଶୁକ୍ରବାର ଦିନ କହିଛନ୍ତି ଯେ ଗତ ୮ ବର୍ଷ ମଧ୍ୟରେ ଆମ ସରକାର ଜଳ ସଂରକ୍ଷଣ ଉପରେ ଗୁରୁତ୍ୱାରୋପ କରିଛନ୍ତି। ପାଇପଲାଇନ ମାଧ୍ୟମରେ ଦେଶର ୧୦ କୋଟି ଗ୍ରାମବାସୀଙ୍କୁ ଜଳ ସୁବିଧା ଯୋଗାଇବାରେ ଆମେ ସଫଳ ହୋଇଛୁ। ସମସ୍ତଙ୍କ ଉଦ୍ୟମ ଯୋଗୁଁ ସରକାର ଏହି ବଡ ସଫଳତା ପାଇଛନ୍ତି ବୋଲି ସେ କହିଛନ୍ତି।