ନୂଆଦିଲ୍ଲୀ: ଲୁଙ୍ଗି ଓ ଚପଲ ପିନ୍ଧି ଗାଡି ଚଳାଇଲେ ଚାଲାଣ କଟିବ ବୋଲି କାହାଠାରୁ ଶୁଣିଛନ୍ତି କି | ଯଦି ଶୁଣିଛନ୍ତି ଏହା ସମ୍ପୂର୍ଣ୍ଣ ଗୁଜବ | ଏହି ଗୁଜବରୁ ଦୁରେଇ ରହିବାକୁ ପରାମର୍ଶ ଦେଇଛନ୍ତି କେନ୍ଦ୍ର ପରିବହନ ମନ୍ତ୍ରୀ ନିତିନ ଗଡ଼କରୀ | କେନ୍ଦ୍ର ମନ୍ତ୍ରୀ କହିଛନ୍ତି ଯେ ଲୁଙ୍ଗି ଓ ଚପଲ ପିନ୍ଧି ଗାଡି ଚଳାଇଲେ କୌଣସି ପ୍ରକାର ଚାଲାଣ କଟାଯିବ ବୋଲି କିଛି ବ୍ୟବସ୍ଥା ନାହିଁ | ଏହି ଖବରଟି ସମ୍ପୂର୍ଣ୍ଣ ଗୁଜବ ବୋଲି ମନ୍ତ୍ରୀ କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ସେହିପରି ମନ୍ତ୍ରୀ କହିଛନ୍ତି ଯେ ଗାଡିର କାଚ ମଇଳା ହେବା ହେଉ କି ଗାଡ଼ିରେ ଚପଲ ପିନ୍ଧି ଚଳାଇଲେ କୌଣସି ପ୍ରକାର ଚାଲାଣ କଟାଯିବାର ଆଇନ ନାହିଁ | ଏହାପୂର୍ବରୁ କେନ୍ଦ୍ର ମନ୍ତ୍ରୀ କିଛି ଗଣମାଧ୍ୟମ ଉପରେ ଅସନ୍ତୋଷ ପ୍ରକାଶ କରିଥିଲେ |
ଗଡ଼କରୀ କହିଥିଲେ ଯେ କିଛି ଗଣମାଧ୍ୟମ ସଡକ ସୁରକ୍ଷା ଆଇନ୍କୁ ନେଇ ଲୋକଙ୍କୁ ଭ୍ରମିତ କରାଉଛନ୍ତି | ଯେଉଁଥିରୁ ଚାଳକମାନେ ଏଭଳି ମିଛ ଖବରକୁ ନେଇ ହନ୍ତସନ୍ତ ହେଉଛନ୍ତି | ଏଠାରେ ସୂଚନା ଥାଉ କି ନୂଆ ମୋଟର ନିୟମ ସେପ୍ଟେମ୍ବର ୧ରୁ ଲାଗୁ ହୋଇଥିବାବେଳେ ଯାତାୟାତ ନିୟମ ଉଲ୍ଲଙ୍ଘନ କଲେ କଡ଼ା ଜୋରିମାନା ସଂଗ୍ରହର ନିୟମ କରାଯାଇଛି |