ଲକଡାଉନକୁ ଗମ୍ଭୀରତାର ସହ ଗ୍ରହଣ କରନ୍ତୁ, ନିଜକୁ ଓ ପରିବାକୁ ସୁରକ୍ଷିତ ରଖନ୍ତୁ: ପ୍ରଧାନମନ୍ତ୍ରୀ ମୋଦୀ
ନୂଆଦିଲ୍ଲୀ: ନିଜକୁ ଓ ପରିବାରକୁ ସୁରକ୍ଷିତ ରଖିବାକୁ ଲକଡାଉନକୁ ଗମ୍ଭୀରତାର ସହ ଗ୍ରହଣ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଜନସାଧାରଣଙ୍କୁ ଆହ୍ବାନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
लॉकडाउन को अभी भी कई लोग गंभीरता से नहीं ले रहे हैं। कृपया करके अपने आप को बचाएं, अपने परिवार को बचाएं, निर्देशों का गंभीरता से पालन करें। राज्य सरकारों से मेरा अनुरोध है कि वो नियमों और कानूनों का पालन करवाएं।
— Narendra Modi (@narendramodi) March 23, 2020
ଟୁଇଟ୍ କରି ପ୍ରଧାନମନ୍ତ୍ରୀ ଲେଖିଛନ୍ତି: ସମ୍ପ୍ରତି ଲକଡାଉନକୁ ଅନେକ ଗମ୍ଭୀରତାର ଭାବେ ଗ୍ରହଣ କରୁନାହାନ୍ତି । ଦୟାକରି ନିଜେ ନିଜକୁ ବଞ୍ଚାନ୍ତୁ, ନିଜ ପରିବାରକୁ ବଞ୍ଚାନ୍ତୁ, ନିର୍ଦେଶକୁ ଗମ୍ଭୀରତାର ସହ ପାଳନ କରନ୍ତୁ । ରାଜ୍ୟ ସରକାରମାନଙ୍କୁ ମୋର ଅନୁରୋଧ ସେମାନେ ନିୟମକାନୁନ ପାଳନ କରାନ୍ତୁ ।
ଏଠାରେ ଉଲ୍ଲେଖ କରାଯାଇପାରେ ଯେ କରୋନାଭାଇରସ୍ ସଂକ୍ରମଣ ପ୍ରତିହତ କରିବାକୁ ଗତକାଲି ସମଗ୍ର ଦେଶରେ “ଜନତା କର୍ଫ୍ୟୁ’ ପାଳନ କରାଯାଇଥିଲା । ଏହାଛଡ଼ା ସଂକ୍ରମଣ ପ୍ରତିହତ କରିବାକୁ ଦେଶର ଅନେକ ରାଜ୍ୟ ମାର୍ଚ ୩୧ ତାରିଖ ଯାଏଁ ଲକଡାଉନ୍ ଆରମ୍ଭ କରିଛନ୍ତି । ଦେଶର ୮୨ଟି ଜିଲ୍ଲାରେ ମଧ୍ୟ ଲକଡାଉନ ଜାରି କରାଯାଇଛି ।
ସଦ୍ୟତମ ସୂଚନା ଅନୁସାରେ, ଲକଡାଉନକୁ କଡ଼ାକଡ଼ି ଭାବେ କାର୍ଯ୍ୟକାରୀ କରିବାକୁ ଭାରତ ସରକାର ରାଜ୍ୟ ସରକାରଙ୍କୁ ନିର୍ଦେଶ ଦେଇଛନ୍ତି । ଲକଡାଉନ୍ ଉଲ୍ଲଂଘନକାରୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସତର୍କ କେନ୍ଦ୍ର ସରକାର ସତର୍କ କରାଇ ଦେଇଛନ୍ତି।
ରାଜ୍ୟବ୍ୟାପୀ ଲକଡାଉନ୍ ଲାଗୁ କରିଥିବା ରାଜ୍ୟଗୁଡ଼ିକ ହେଉଛନ୍ତି ପଞ୍ଜାବ, ନାଗାଲାଣ୍ଡ୍, ଉତ୍ତରାଖଣ୍ଡ, ଦିଲ୍ଲୀ, ତେଲେଙ୍ଗାନା, ଆନ୍ଧ୍ରପ୍ରଦେଶ ଏବଂ ରାଜସ୍ଥାନ । ଛତିଶଗଡ଼ରେ କେବଳ ନଗରାଞ୍ଚଳ, ଉତ୍ତରପ୍ରଦେଶର ୧୬ଟି ଜିଲ୍ଲା, ଗୋଆରେ ଆଂଶିକ ଏବଂ ଓଡ଼ିଶାରେ ୫ଟି ଜିଲ୍ଲା ୧୦ଟି ସହରରେ ଲକଡାଉନ୍ କରାଯାଇଛି ।
ଲକଡାଉନ୍ ହୋଇଥିବା ଏହିସବୁ ଅଞ୍ଚଳରେ ଅତ୍ୟାବଶ୍ୟକ ସାମଗ୍ରୀ ଏବଂ ସେବା ଯୋଗାଉଥିବା ପ୍ରତିଷ୍ଠାନକୁ ବାଦ ଦେଲେ ବାକି ସମସ୍ତ ପ୍ରତିଷ୍ଠାନ ବନ୍ଦ ରଖିବାକୁ ପ୍ରଶାସନ ଅନୁରୋଧ କରିଛି ।